Հայաստանում տեղի ունեցած ողջ ընտրական գործընթացը, այդ թվում՝ քվեարկության խախտումների մասին բազմաթիվ հաղորդագրությունները, հարցեր են առաջացնում: Այդ հարցերից մեկն այն է, թե որքանով է ՀՀ–ն պատրաստ գործնականում իրականացնել իշխանությունների կողմից հռչակված ժողովրդավարության և օրենքի գերակայության սկզբունքները, ճեպազրույցի ժամանակ ասել է Ռուսաստանի ԱԳՆ ներկայացուցիչ Մարիա Զախարովան։
«Նույնիսկ ընտրությունների օրը ձերբակալում են քաղաքական ու հասարակական գործիչների, որոնք առաջին հերթին պաշտպանում են Հայաստանի ազգային շահերը, իսկ այդ շահերից է բխում հայ-ռուսական հարաբերությունների պահպանումն ու ամրապնդումը։ Այս ամենը մեզ համար անհասկանալի է և, որ ամենակարևորն է, բացարձակապես անընդունելի»։
«Չեմ պատկերացնում՝ ինչպես կարող է ժամանակակից ժողովրդավարական երկրում նորմալ համարվել ընտրական գործընթացների մասնակիցներին ձերբակալելը։ Այն էլ՝ հենց ընտրությունների օրը կամ նախօրեին և բացարձակապես շինծու պատրվակներով», — հայտարարել է ՌԴ ԱԳՆ ներկայացուցիչը։
