Որպես ընդդիմությանը ձայն տված քաղաքացի՝ Արցախի պատգամավոր Մետաքսե Հակոբյանը երկու հարց ունի ընդդիմությանը, որոնց պատասխանները չի ստացել։
«Եթե վերցնում են մանդատները, ապա ի՞նչ են անելու վաղը, մյուս օրը, դրան հաջորդող օրերին։ Իսկ եթե չէին վերցնելու, էլի նույն հարցն ունեմ՝ ի՞նչ են անելու այդ օրը և հաջորդ օրերին»,- այսօր լրագրողների հետ զրույցում ասաց Հակոբյանը։
Ըստ նրա՝ ընդդիմությունն ուժեղ քարոզարշավից և նախընտրական խոստումներից հետո պարտավոր էր տալ այդ երկու հարցերի պատասխանները։
Կարդացեք նաև
Անդրադառնալով ընտրությունների արդյունքներին՝ Հակոբյանն ասաց, որ բոլորս ականատես եղանք, թե ինչպես «գեղեցիկ նկարեցին» թվերը, և, ըստ նրա, առնվազն 11 տոկոս ավելի ձայն նկարեցին «Քաղաքացիական պայմանագիր» կուսակցության համար։
Արփինե ՍԻՄՈՆՅԱՆ
