Թուրքիայի արտաքին գործերի նախարարությունը հայտարարություն է տարածել Սև ծովում թուրքական նավերի վրա հարձակումների վերաբերյալ։ Մասնավորապես կոչ է արվել բոլոր համապատասխան կողմերին, մասնավորապես՝ պատերազմող կողմերին, անհապաղ ձեռնարկել կոնկրետ միջոցառումներ՝ ապահովելու նավարկության անվտանգությունը Սև ծովում։
Հայտարարության մեջ նշվել է, որ հարձակման դեպքը տեղի է ունեցել օգոստոսի 3-ին Նովոռոսիյսկի նավահանգստից մեկնելուց հետո։ Թուրքական «Yaşar» և «Nadezhdave» քաղաքացիական նավերն անօդաչու թռչող սարքերի կողմից ենթարկվել են հարձակման, ինչի հետևանքով վիրավորվել են նավերի անձնակազմի անդամները, այդ թվում՝ Թուրքիայի քաղաքացիները։
«Մենք լրջորեն մտահոգված ենք Սև ծովում Ռուսաստանի և Ուկրաինայի հակամարտության սրմամբ, որը, չնայած մեր բոլոր նախազգուշացումներին, ազդում է քաղաքացիական նավերի վրա։ Եթե կանխարգելիչ միջոցներ չձեռնարկվեն, Սև ծովում իրավիճակի սրումը կունենա բազմակողմանի բացասական հետևանքներ, այդ թվում՝ սննդի անվտանգության վրա»,- նշվում է ԱԳՆ-ի հայտարարության մեջ։
Կարդացեք նաև
