ՀԱԿ փոխնախագահ Լևոն Զուրաբյանի ֆեյսբուքյան գրառումը
Ո՞ւՄ ԵՍ ԽԱԲՈւՄ, ՓԱՇԻՆՅԱՆ
Փաշինյանը, ամբողջ հայ ժողովրդին հիմարի տեղ դնելով, հայտարարում է, որ Ախուրիկ-Երասխ երկաթուղային հատվածի զարգացման համար ներդրողներ ներգրավելու և մրցակից ստեղծվելիք Կարս-Նախիջևան երկաթուղու հետ մրցակցության մեջ հաղթելու համար անհրաժեշտ է, որ Ռուսաստանը երկաթուղու կոնցեսիոն կառավարումը վաճառի որևէ երրորդ երկրի, որը զերծ է միջազգային` իմա, արևմտյան պատժամիջոցներից:
Մարդ ինչքան հիմար կամ ստախոս ցինիկ պետք է լինի (թե տվյալ դեպքում որն է, ինքներդ որոշեք), որ պնդի, թե Թուրքիան ու Ադրբեջանը թույլ կտան, որ ԹՐԻՓՓ-Զանգեզուրյան միջանցքով նախատեսվող ուղևորների և բեռնափոխադրումների շրջանառությունը անցնի Ախուրիկ-Երասխ, և ոչ թե Կարս-Նախիջևան երկաթուղով:
Կարդացեք նաև
Փաշինյանի «տրամաբանությամբ» թուրքերը 1920 թվականին ստեղծեցին Հայաստանից դուրս Նախիջևանը, իսկ 1932 թվականին փոխանակեցին Իրանի հետ տարածքները, իսկ Ադրբեջանը պարտադրեց ԹՐԻՓՓ Զանգեզուրյան միջանցքը, որ հիմա Թուրքիան ու Ադրբեջանը հաղորդակցվեն Ախուրիկ-Երասխ երկաթուղով Հայաստանի տարածքո՞վ:
Ակնհայտ է մի բան. կոնցեսիայի վերավաճառքի պահանջը ոչ մի կապ չունի մեր երկաթուղային համակարգի զարգացման նպատակի հետ, այլ միայն ուղղված է Ռուսաստանի հետ հարաբերությունների սրման էսկալացիայի:
Նկարազարդումը ստեղծվել է ԱԲ տեխնոլոգիայի միջոցով և փաստագրական չէ
հիմա նստեք մեքենա ու քշեք դեպի Շորժա կամ Գյումրի և կտեսնեք թե ինչ անմխիթար վիճակում է ամբողջ երկաթգիծը, վթարներից 5 պակաս վիճակում է պահում ռուսական կողմը հայկական երկաթգիծը, որովհետև նպատակ չունի իր գաղութում ներդրում անել։
Ամեն ինչ փաշինյանի հանդեպ կույր ատելությունով չպետք է բացատրել, ոչ էլ փորձել կոծկել ռուսական պետության մեր հանդեպ վարած այլանդակ քաղաքականությունը, հետո գնալ ու պուտինյան մարդակեր ռեժիմին փարվել, որ ձեր տղաներին էլ տանեն ու մատաղ անեն Դոնբասում։
հերիք է սպասարկեք պուտինին, ամմոթ է վերջապես։