Ռուսական լրատվամիջոցները փոխանցում են ՌԴ ղեկավարի օգնական Յուրի Ուշակովի խոսքերը, համաձայն որոնց, Ռուսաստանի եւ ԱՄՆ-ի ղեկավարների մեկժամանոց հեռախոսազրույցն եղել է անկեղծ եւ կառուցողական:
Զրույցի հիմնական թեման «ուկրաինական կարգավորումն» էր: Նրանք կարծիքներ են փոխանակել ամերիկյան բանագնացներ Սթիվ Ուիթքոֆֆի եւ Ջարեդ Քուշների՝ Մոսկվա եւ Կիեւ կատարած այցերի արդյունքների վերաբերյալ: Պուտինը Թրամփի հետ զրույցում նշել է, որ «ռուսական սպառնալիքի» մասին շահարկումները Եվրոպայի համար ընդամենը պատրվակ են՝ Կիևին աջակցությունն ավելացնելու և ռազմական ծախսերը մեծացնելու համար։ Պուտինը, մասնավորապես, ասել է, որ ՌԴ-ն մտքում անգամ Եվրոպայի դեմ ագրեսիայի որեւէ նպատակ չունի:
Ուշակովը նաեւ ասել է, որ Պուտինը Թրամփին ներկայացրել է իր պատկերացումները, թե իրականում ինչ կարող է անել ամերիկյան կողմը՝ Ուկրաինայում ռազմական գործողությունների շուտափույթ ավարտի համար:
