Ստեփանակերտից ստացվող լուրերի համաձայն, քաղաքապետ Կարեն Բաբայանի տնտեսական, ձեռնարկատիրական գործունեությունը կարող է հայտնվել իրավապահների ուշադրության կենտրոնում։ Նշվում է, թե Ստեփանակերտի էլեկտրացանցի կալանավորված տնօրեն Վալերի Բալայանը Կարեն Բաբայանի հետ մի ՓԲԸ էր հիմնադրել, որը Ստեփանակերտի կենտրոնում առեւտրի կետեր ունի։
ԲԱԽՈՒՄՆԱՇԱՏ ԼՍՈՒՄՆԵՐ
Շաբաթ օրը խորհրդարանում անցկացված լսումների ընթացքում մի շարք ընդհարումներ եղան՝ Տիգրան Թորոսյանի եւ Արթուր Բաղդասարյանի, Սեդրակ Սեդրակյանի եւ Վարդան Խաչատրյանի միջեւ եւ այլն։ Առանձնացնենք սակայն մի բախում. Լեւոն Բարխուդարյանը գոռաց, թե ոչ ոք իրավունք չունի նախարարի հասցեին նման բաներ ասել, երբ Խորեն Սարգսյանը հայտարարեց, թե Դավիթ Զադոյանը մինչ լսումները ԱՄՆ դեսպանից հրահանգներ է ստացել, թե ինչ ելույթ պիտի ունենա։
Կարդացեք նաև
ԲՈԼՈՐԸ ՔԵ՜Զ, ԲՈԼՈՐԸ ՔԵ՜Զ
Ըստ լուրերի՝ ԱԺ նախագահ Արմեն Խաչատրյանի միջամտությամբ՝ խորհրդարանի հաշվեկշռից դուրս է գրվել 15 «Վոլգա» մեքենա. դրանք տրամադրվել են «Հրաչյա Աճառյան» համալսարանին, որի պրոռեկտորն է ԱԺ նախագահը։ ԱԺ մամուլի վարչության ղեկավարը հերքեց այս լուրը. «Ո՞վ է տարածում այդքան հերյուրանք։ Այդպիսի բան չկա։ Եթե մենք բոլոր նման հրապարակումներին պատասխանենք, մի հսկայական նյութ կլինի»։
Ո՞Վ ՀԱՆԳՑՐԵՑ ԼՈՒՅՍԸ
«Զանգերին չե՞ք կարողանում «ոչ» պատասխանել՝ ուրիշ մարդ բերեք»,- պատգամավոր Արմեն Մխիթարյանի այս կշտամբանքին էներգետիկայի նախարարն ամբիոնից հետեւյալ հակահարվածը տվեց. «Ազգային ժողովի լույսերն անջատեք՝ փողը չի տվել»։
