Երեկ կայացավ ֆուտբոլի Հայաստանի գավաթի խաղարկության կիսաեզրափակչի մեկ խաղ, որում տանտիրոջ կարգավիճակում հանդես եկող «Միկան» ընդունեց «Բանանցին»: Ավանդաբար սկզբունքային մրցակիցների այս դիմակայությունը եւս անցավ անզիջում պայքարում եւ ի վերջո ավարտվեց գոլառատ ոչ-ոքիով՝ 3:3: Հարկ է նշել, որ «Միկայի» գլխավոր մարզիչ Արմեն Շահգելդյանի թիմը առաջին խաղակեսից հետո պարտվում էր 1:3 հաշվով եւ միայն խաղավարտին մրցավարի ավելացրած լրացուցիչ ժամանակում կարողացավ վերականգնել հաշվի հավասարակշռությունը:
Գրանցված հաշիվն ավելի ձեռնտու է «Բանանցին», քանի որ պատասխան խաղում նրան կբավարարի նաեւ զրոյական ոչ-ոքին:
