Լրահոս
Օրվա լրահոսը

Տուժել է «Առավոտի» լրագրողը (Տեսանյութ եւ ֆոտոշարք)

Ապրիլ 09,2013 16:08
PrevPhoto
NextPhoto

Քիչ առաջ նախագահականի դիմաց ոստիկանների եւ երիտասարդ ակտիվիստների միջեւ տեղի ունեցավ լուրջ բախում: Ոստիկանները բիրտ ուժ կիրառեցին հավաքվածների նկատմամբ՝ ձեռքերը ոլորեցին, հրեցին, մարդկանց գետնին գցելով ուղղեցին դեպի Դեմիրճյան-Բաղրամյան խաչմերուկ:

Հրում էին նաեւ լրագրողներին: Երբ ասացի, որ լրագրող եմ եւ իմ աշխատանքն եմ իրականացնում, ուշադրություն չդարձրին, հրեցին: Քաշքշուկի եւ ընկնելու հետեւանքով արյունոտվել են ձեռքերս, շորերս են քաշքշել: Ոստիկանները գոռում են՝ կապ չունի, ասում ենք գնա, պիտի գնաս:

Փոխգնդապետ Կարեն Մովսիսյանը հրեց եւ փողոցում գետնին գցեց ակտիվիստներից մեկին: Նա քիչ էր մնում ընկներ մեքենայի տակ, քանի որ երթեւեկությունը չէին կանգնեցրել: Զարուհի Փոստանջյանը բարկացավ, թե ինչու ակտիվիստին հրեց, Կարեն Մովսիսյանն արդարացավ, թե փրկել է նրան, քանի որ ընկնում էր մեքենայի տակ:

Այս պահին ակտիվիստները Փոստանջյանի հետ սպասում են Րաֆֆի Հովհաննիսյանին՝ նրան միանալու համար: Ոստիկանները շղթայել են Բաղրամյան-Դեմիրճյան խաչմերուկից դեպի Բաղրամյան 26 տանող ճանապարհը:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (5)

Պատասխանել

  1. ARMEN says:

    Ես նկատել եմ, որ “Ժառանգության” հանրահավաքներում էլ են լրագրողներին հրում, որ ձեռները չեն արնոտվում, էդ մասին չեն գրո՞ւմ :

  2. Արմեն says:

    Ես նկատել եմ, որ Րաֆֆի Հովհաննիսյանի հանրահավաքներին էլ են լրագրողներին հրում, քաշում մի ոկղմ, որ ձեռքերը չեն արնոտվում չպիտի արձագանքեն՞

  3. Վարդգես Գասպարի says:

    Տեսնես լրագրող Հ. Ջեբեջյանըն իրավական կարգով կհետապնդի իր բողոքը մեղավորին պատասխանատվության ենթարկել, թե նախորդների՛ Է. Չիլինգարյանի, (Ի. Հովհանիսյանի) եւ մյուսների նման ժամանակի անիմստ վատնում կհամարի դա, եւ կխուսափի ավելորդ քաշքշուկներից:

  4. Վարազ Սյունի (Ամստերդամ) says:

    Օլիգարխային իշխանությունները գնալով ավելի ու ավելի են խուճապի մատնվում:

  5. ՀԲՀԿ Խոսնակ says:

    Հռիփսիմե ջան, զգույշ եղեք: Ձեր խմբագրությունում տղամարդ չկա՞, ինչու՞ են ձեզ ուղարկում այդ թեժ կետերը:

Պատասխանել

Օրացույց
Ապրիլ 2013
Երկ Երե Չոր Հնգ Ուրբ Շաբ Կիր
« Մար   Մայիս »
1234567
891011121314
15161718192021
22232425262728
2930