Aravot.am-ի հետ զրույցում սոցիոլոգ Ահարոն Ադիբեկյանը մեկնաբանեց այն, որ օրերս հրապարակվել է խոշոր հարկատուների ցուցակը, եւ ըստ որի`բուհերից Երեւանի պետական համալսարանն ու Երեւանի պետական բժշկական համալսարանը համարվել են խոշոր հարկատու:
Մեր դիտարկմանը` փաստորեն ըստ այդ ցուցակի ստացվում է, որ բուհերն ավելի հարուստ են, քան մեր օլիգարխները Ահարոն Ադիբեկյանը ասաց. «Այն ծրագրերը, որոնք համալսարանները կատարում են առանց պետական գրանցման`դա հարկման է ենթարկվում, պատկերացրեք, որ տարեկան երկու հազար ուսանող օրինակ, որքան վարձ է վճարում, ստացվում է, որ տարեկան բուհը նրանց շնորհիվ երկու մլն եկամուտ է ստանում, եւ պետությունն իր փայը գանձում է: Իսկ օլիգարխները ծախսեր ունեն, ներդրումներ, հարկային արտոնություններ, դրա համար էլ իրենց գումարները բավականին պակաս է: Դա շատ բնական է, բիզնեսի յուրահատուկ կողմերից է: Այնպես որ, ես չեմ կարծում, թե օրինակ Ծառուկյանին ճանապարհ են դնում, ասելով՝ դու հարկ մի մուծիր…»:
Եվա ՀԱԿՈԲՅԱՆ
