Այս մասին Aravot.am-ի հետ զրույցում հավաստիացրեց քաղաքագետ Գագիկ Համբարյանը: Նրա ասելով, ՌԴ իշխանությունների կողմից 102-րդ ռազմաբազայի միայն սպայական կազմին է թույլատրված իրենց աշխատավարձը ծախսել Գյումրիում, իսկ սովորական զինծառայողներին կատեգորիկ արգելված է: Ավելին, ըստ քաղաքագետի, վերջիններս իրենց միամյա ծառայության ընթացքում նույնիսկ աշխատավարձ չեն ստանում:
«Ես ինքս եմ տեսել Շիրակ օդանավակայանում, երբ որ շարքային ռուս զինվորականը, ավարտելով իր մեկ տարվա ծառայությունը Հայաստանում, մեկնում էր Դոնի Ռոստով: Հենց օդանավակայանում բաժանեցին քարտերը, որոնց վրա կուտակված էր երկու տարվա աշխատավարձը, և ռուս սպաները ուշիուշով հետևում էին, որ հանկարծ ռուս շարքային զինվորականները չմոտենան որևիցե բանկոմատի: Թեև ինչքան գիտեմ օդնավակայանում բանկոմատ չկա էլ, բայց երբ զինվորներից մեկը մոտեցավ մեզ ու հարցրեց, թե ո՞ր բանկոմատից կարելի է օգտվել, ռուս սպան անմիջապես հրահանգեց` անցեք շարքի մեջ:
Սպայական կազմին թույլատրում են իրենց գումարները ծախսել Գյումրիում, որովհետև նրանք պայմանագրով են աշխատում և կարող են երկար մնալ Հայաստանում: Իսկ շարքային զինծառայողներին, որոնք մեկ տարի պարտադիր ծառայության են անցնում, և որոնք ստանում են բավական բարձր աշխատավարձ մեր հայ զինվորների հետ համեմատ, կատեգորիկ արգելվում է աշխատավարձը ծախսել», ասում է Գագիկ Համբարյանը:
Ըստ քաղաքագետի, թեև Գյումրիում տեղակայված ռուսական ռազմաբազայի ծախսերի 50 տոկոսը վճարում է Հայաստանի բնակչությունը, ընդհուպ մինչև բնակկոմունալ ծախսերը, սակայն ռուսները չեն նպաստում մեր երկրի տնտեսության զարգացմանը. սննդամթերքն ու զինվորական հագուստն անգամ ձեռք են բերում ՌԴ-ից`Հյուսիսային Կովկասից: Մինչդեռ, ըստ Գագիկ Համբարյանի, Ռուսաստանը որևէ այլ երկրում, ընդհուպ Կիրգիզիայում իր ռազմաբազան տեղադրելու համար վարձակալական պայմանագիր է կնքում ու տվյալ երկրին գումար վճարում:
Կարդացեք նաև
«Ռուսաստանի` Գյումրիում գտնվող բավական մեծ ռազմաբազայից մեր տեղացի արտադրողները բացարձակ օգուտ չունեն: Եթե ռուս սպաները կան նրանց կանայք գնում են Գյումրու մի քանի խանութ կամ ռեստորան, դա չի լուծում Գյումրու բավական ծանր սոցիալ-տնտեսական վիճակը: Շատ լավ կլինի, որ ռուսական ռազմաբազան իր սնունդը կամ շորերը ձեռք բերի մեր տեղացի արտադրողներից, պայմանագրեր կնքի նրանց հետ: Մենք ունենք շատ լավ թեթևարդյունաբերական արտադրամասեր, շատ լավ մթերք արտադրող գործարաններ: Նրանք կկարողանան ապահովել ռուսական ռազմաբազայի կարիքները», -առաջարկում է քաղաքագետը:
Նա նաև հավելում է, որ Հայաստանի բնակչի հաշվին ապրելով հանդերձ, ՌԴ-ն գոնե դիվանագիտական մի նոտայով չի զսպում հայ-ադրբեջանական շփման գործում Ադրբեջանի կողմից ագրեսիվ հարձակումները, չնայած որ ՌԴ-ն պայմանագիր է կնքել Հայաստանի հետ` ապահովելու մեր երկրի սահմանները նաև Ադրբեջանի ու Վրաստանի հետ:
Նունե ԱՐԵՎՇԱՏՅԱՆ
Հայերեն մեկնաբանությունները պետք է լինեն հայատառ: Չի թույլատրվում գրել տրանսլիտով:
ինչ պրիմիտիվ ագիտպունկ է … ուղղակի ապշում ես, թե ինչ ցածր մակարդակի վրա է դրված հակառուսական պրոպագանդան “ամերիկայի ձայն – ազատություն” ճուտիկներում:
ու ձեզ թվում է, թե ինչ որ մի սեփական հողի վրա կանգնած մարդ կարող է ձեր թակարդը ընկնել՞ 🙂
հակառուսական պրոպագանդան !!!((((((
Բավականին լուրջ և ճիշտ դիտարկումներ են քաղաքագետի կողմից: Իրոք, Ռուսաստանի համար Հայաստանը ոչ մի արժեք չունի, քանի որ վերջինս պարզապես ռուսական իմպերիալիզմի սպասավորն է տարածաշրջանում: Իսկ սպասավոր լինելու իրողությունն ակնհայտ է բոլոր բնագավառներում, ինչն արդեն դարձել է ստրկություն…
սուտ է ,,,,հայ սպաները ռուս զինվորներից քիչ են ստանում դրանից գրեք ,,,, էկեք գյումրի տեսեք լավ էլ ծախսում են
Առաջին` Ռուս զինվորը արդեն շուրջ երեք տարի է պարտադիր ժամկետային ծառայություն է անցնում մեկ այլ ոչ թե երկու տարով;
Երկրորդ` Ցանկացած իրեն հարգող երկրի բանակ պետք է կրի իր երկրում ընդունված զինվորական համազգեստը, այլ ոչ Ճռտոի դուքյանի կարած համազգեստը- Զինվորականի համար իր երկրի համազգեստը դա ազգային պատկանելիության դրսևորում է;
Երրորդ` Համաձայն եմ մնացած դիտարկումների հետ- հատկանշական եմ համարում Հայաստանը Ռուսաստանի սպասավորն է տարածաշրջանում-դառը ճշմարտություն է դա
Այդ համազգեստը այստեղ կարել չի՞ կարելի….նույն ռուսական բանակի պատվերով….դա ի՞նչ խնդիր է……
պրն Գագիկ Համբարյան, ես Ձեզ շատ եմ հարգում, բայց ասվածը իրականությանը չի համապատասխանում…և սպաները, և զինվորները ուզածիդ պես ծախսում են: գնացեք և մտեք ցանկացած խանութ մեր քաղաքում, ցանկալի է 8-րդ թաղամասում, և կհամոզվեք)
Գայանե ջան շատել ճիշտ է ասում Գ.Համբարյանը…միայն 8-րդ թաղամասի խանութներով պետք չէ կարծիք կազմել,իսկ զինվոր քաղաքում ՉԿԱ:կան միայն սպաներ որոնց թիվը քիչ է…նախկինի հետ չես համեմատի: