Ձմեռային օլիմպիական խաղերի մեկնարկից առաջ Սոչիի քաղաքապետ Անատոլի Պախոմովը հայտարարել է, թե իր քաղաքում գեյեր չկան: «Դա չի ողջունվում Կովկասում, որտեղ մենք ապրում ենք: Մեր քաղաքում այդպիսիք չկան», – նրա խոսքերը մեջբերել է BBC-ի ռուսական ծառայությունը: Ընդորում, հարցին, թե դրանում համոզվա՞ծ է, Պախոմովը պատասխանել է, թե վստահ չէ:
Պախոմովն ընդգծել է, որ ուրախ կլինեն բոլոր հյուրերին՝ անկախ սեքսուալ կողմնորոշումից եւ ընդգծել, որ բոլորը պետք է կատարեն ՌԴ օրենքների պահանջները: «Մեր հյուրասիրությունը տարածվում է բոլորի վրա, ովքեր հարգում են մեր օրենքները եւ իրենց սովորույթները չեն պարտադրում շրջապատի վրա», – ասել է Պախոմովը:
Սեքսուալ փոքրամասնությունների բացակայության մասին հայտարարությունը ընդդիմադիր քաղաքական գործիչ Բորիս Նեմցովը ծիծաղելի է համարում: Նա հայտարարել է, թե Սոչիում գեյ ակումբներ կան: Նեմցովին աջակցել են նաեւ ինտերնետային օգտատերերը: Վերջիններն իրենց հերթին քաղաքապետին հիշեցնում են, որ քաղաքում արդեն քանի տարի գործում է «Մայակ» անունով այդպիսի ակումբ, «իսկ քաղաքապետը, երեւում է, տեղյակ չէ»:
Կարդացեք նաև
Աշոտ ՀԱԿՈԲՅԱՆ