Տրանսպորտի եւ կապի նախարարությունը կառավարությունից 520 միլիոն դրամ է ուզում Վազաշեն-Պառավաքար 3.2 կմ ընդհանուր երկարությամբ այլընտրանքային ավտոճանապարհի կառուցման համար:
Կառավարություն ներկայացրած փաստաթղթով նախարարությունը հաշվարկել է եւ գտել, որ այս ճանապարհի շինարարական, նախագծային եւ հեղինակային հսկողության աշխատանքների եւ տեխնիկական հսկողության ծառայությունների իրականացման համար կպահանջվի 535 միլիոն 700 հազար հազար դրամ, այդ թվում առաջին եռամսյակում 262500 հազար դրամ, երկրորդ եռամսյակում՝ 246400.0 հազար դրամ, իսկ երրորդ եռամյսակում՝ 26760 հազար դրամ:
Նախարարությունը շինարարական աշխատանքների համար կառավարությանը նաեւ առաջարկում է. «Թույլատրել ՀՀ տրանսպորտի և կապի նախարարությանը նշված գնումներն իրականացնել «Գնումների մասին» Հայաստանի Հանրապետության օրենքի 20-րդ հոդվածի 5-րդ մասի 2-րդ ենթակետին համապատասխան՝ բանակցային ընթացակարգով առանց գնումների հայտարարությունը նախապես հրապարակելու միջոցով, պայմանով, որ եթե բանակցային ընթացակարգ` առանց գնման հայտարարությունը նախապես հրապարակելու ձեւով կատարվող գնումների պայմանագրերը չեն կնքվում որոշումն ուժի մեջ մտնելուց հետո 15 օրվա ընթացքում, ապա այդ աշխատանքները այլեւս չեն կարող ձեռքբերվել բանակցային ընթացակարգով` առանց գնման հայտարարությունը նախապես հրապարակելու ձեւով»:
Ըստ նախարարության, Վազաշեն-Պառավաքար ճանապարհի շինաշխատանքների համար հայտ ներկայացրած կազմակերպություններն են` «Արցախճան» ինստիտուտ ՓԲԸ-ն` 11 800 000 դրամ առաջարկով,
Կարդացեք նաև
«Ճաննախագիծ Ինստիտուտ» ՍՊԸ-ն` 12 000 000 դրամ առաջարկով եւ «Տրանսնախագիծ Ինստիտուտ» ՓԲԸ-ն`12 300 000 դրամ առաջարկով: Այս 3 ընկերությունների միջեւ նախարարությունը հաղթող մասնակից է առաջարկում «Ճաննախագիծ» ինստիտուտ ՍՊԸ –ին` բանակցությունների արդյունքում ձեւավորված 10 500 000 դրամ գնով:
Նելլի ԲԱԲԱՅԱՆ
պարոն Ղուլարյանը պետական բյուջեի միջոցները սեփականի փոխարկելու ասպարեզում հասել է կատարելության.Միայն Վազաշեն գյուղի սողանքային ճանապարհահատվածի վե- րակառուցման ձգձգված էպոպեան նրա համար դարձավ ոսկու հանք,իսկ պետության հա- մար մի քանի հարյուր միլիոն դրամի կորուստ.Արդյունքում նախկին սողանքային ճանա – պարհից վերև գտնվող նոր սողանքային ճանապարհ.Այժմ մեզ պարտադրվում է երրորդ սողանքային մայրուղին,ընդորում ոչ անվտանգ,առավել մեծ շառավղով խոցելի,բայց ավե- լի շահութաբեր. 3,5 կմ երկարությամբ ,,Շրջանցիկ ավտոճանապարհ,,արկածախնդրութ- յամբ պարոն Ղուլարյանը շրջանցեց ոչ միայն մի քանի նախարարությունների և ՀՀ Կառա վարությանը, այլև Շամշադինի շրջանի բնակչության անվտանգության հետ կապված հիմ նահարցը, իսկ ,,Իջևանի ՃՇՇ,,ՓԲԸ–ը շինարարական աշխատանքներ է իրականացնում նախագծային փաստաթղթեր չունենալով և առանձ որևէ մրցույթում շահած մենաշնորհի. Կարելի է եզրակացնել,որ խնամիները յուրացրել են կառավարության գործառույթները.
Կեցցե ամենազոր Ղուլարյանը,հիմա էլ ,,շագանակները կրակից հանում է ուրիշի ձեռքերով,,: Եվ ու՞ր է գնում մեր երկիրը նման ղեկավարներով ու բոլորովին էլ հայտնի չէ թե երբ է այս ամենը կանոնակարգվելու: Արդեն սպասելու ու հուսալու տարբերակն էլ չի գործում:Գարունը մոտ է,արտագաղթի ճանապարհն էլ բաց!!!!!!!!!
Նելիից շնորհակալ ենք Բերդի տարածաշրջանի համար ցավոտ խնդրին անդրադառնալու համար: Ցավոտ, որովհետև մարզպետին հաջողվեց միայն իր խնդիրները լուծել՝ Վազաշեն-Պառավաքար ճանապարհը ոստիկանների միջոցով փակելով, կառավարությունից հսկայական գումարներ կորզեց և այն առանց մրցույթի, հրատապության աստիճանը հաշվի առնելով, տրամադրեց իր խնամում, սակայն այդ հատվածով երթևեկելու անվտանգության հարցը այդպես էլ չլուծվեց: Ըստ Տավուշի մարզպետի, իրենք մտադիր են նոր կառուցվող հատվածի վտանգավոր մասերում պատնեշներ կառուցել /այս իրավիճակում առավել անհեթեթ լուծում, քան մարզպետի առաջարկն է, չէր կարելի սպասել/: Հիշեցնենք, որ շրջանցիկ ճանապարհի այս տարբերակին դեմ էին Բերդի տարածաշրջանի բոլոր համայնքապետերը, ովքեր գրավոր դիմել էին ՀՀ նախագահին ու վարչապետին, սակայն այս հարցի լուծումն էլ տրվեց մարզպետի հոգևոր հոր՝ Արմեն Գևորգյանի կողմից, ասվեց, որ մարզպետի առաջարկած տարբերակը ՛՛ճշտերից ճիշտն է՛՛: Ժողովրդի կողմից անխոցելի մարզպետը, ավանդույթ սարքած իր այս մեթոդներով Աղստև գետի հունն է մաքրում, ջրարբիացման ծրագրեր է իրականացնում, քաղաքաշինության ոլորտում միլիարդներ է մսխում, իսկ իշխանությունը … Տեղին է ասված, որ դժվար է խոցել նրանց, ովքեր իրենց նպատակին սողալով են հասնում:
Տեսնես էդ գումարի որ մասն է ատկատի տեսքով մտել մարզպետի գրպանը