Ազատամարտիկ Գագիկ Սարուխանյանը «Ցեղակրոն» կուսակցության նախագահ Շանթ Հարությունյանի նկատմամբ առաջադրված մեղադրանքի փոփոխության հարցում իշխանությունների նահանջ է նկատել:
«Եթե նախորդ մեղադրանքով՝ ոստիկանի նկատմամբ ուժ կիրառելու հոդվածով գործը մտներ դատարան, փաստացի պետք է ապացուցեին, իսկ փաստարկներ չունեին: Ու այդ ժամանակ ամբողջ աշխարհը կտեսներ, մեղադրանք են առաջ քաշել, բայց դրա հիմնավորում չունեն»,- ասաց ազատամարտիկը:
Նա նաեւ պնդեց, որ անօրինական ոչ մի գործողություն Շանթ Հարությունյանն ու նրա ընկերները չեն կատարել եւ ասաց, որ նրանց գործողությունները կարող էին կանխել ոստիկանները հենց հրապարակում. «Եթե ինչ-որ մի բան էլ խախտել են, կամ խոչընդոտել ճանապարհային երթեւեկության աշխատանքը, պետք է նրանց ընդամենը տուգանեին եւ բաց թողնեին: Ոչ թե նման ծանր հոդվածներով գործ սարքեին»:
Արփինե ՍԻՄՈՆՅԱՆ
