Ինչպես արդեն տեղեկացրել ենք, երեկ ԵԽԽՎ-ն մեկ տարով զրկեց ՌԴ պատվիրակության անդամներին ձայնի իրավունքից: ԵԽԽՎ-ի՝ ՌԴ-ին մինչ տարեվերջ ձայնի իրավունքից զրկելու բանաձեւն ընդունվել է 145 «կողմ», 21 «դեմ» եւ 22 «ձեռնպահ» ձայներով:
Ըստ ԵԽԽՎ-ի կայքի տեղեկատվության՝ 21 «դեմ» քվեարկողներից էին ԵԽԽՎ-ում Հայաստանի պատվիրակության անդամներ Դավիթ Հարությունյանը, Արփինե Հովհաննիսյանը, Նաիրա Կարապետյանը, Մհեր Շահգելդյանը, Ֆրանսիայի պատվիրակ Ժան Կլոդ Մինյոնը եւ այլք: Ադրբեջանի պատվիրակները քվեարկել են ձեռնպահ:
Ըստ ԵԽԽՎ կայքի` Հայաստանի պատվիրակության անդամ, ԲՀԿ խմբակցության քարտուղար Նաիրա Զոհրաբյանը չի մասնակցել է քվեարկությանը:
Aravot.am-ը տիկին Զոհրաբյանից հետաքրքրվեց` ինքն ինչո՞ւ չի մասնակցել քվեարկությանը: Հայ պատվիրակը պատասխանեց. «Ադրբեջանական պատվիրակությունը Սարսանգի ջրամբարի հետ կապված բանաձեւ է փորձում ներառել ԵԽԽՎ օրակարգ, եւ ձեր նշած հարցի քվեարկության ժամանակ ես հանդիպում էի եվրոպացի մի շարք պատգամավորների հետ՝ բացատրելու վերջիններիս ադրբեջանական նախաձեռնության հերթական անհեթեթությունը։ Որեւէ այլ խնդիր չի եղել»։
Կարդացեք նաև
Տաթև ՀԱՐՈՒԹՅՈՒՆՅԱՆ
