Երեկ երեկոյան ԷՆ-ԲԻ-ՍԻ հեռուստաալիքի «Հանդիպիր մամուլին» հաղորդման ընթացքում Ուկրաինայի վարչապետ Արսենի Յացենյուկը հայտարարեց, որ Խորհրդային Միության վերականգնումը Պուտինի վաղեմի երազանքն է: «Ամեն օր նա քայլ է կատարում այդ երազանքին հասնելու համար: Միայն Աստծուն է հայտնի, թե որտեղ է նրա սահմանը»,- հայտարարեց կառավարության ղեկավարը:
«Провед» հրատարակության փոխանցմամբ՝ հենց այդպես է նա մեկնաբանում Վլադիմիր Պուտինի խոսքերն այն մասին, որ ուկրաինացիները եւ ռուսները, ըստ էության մեկ ազգ են:
Վարչապետը նաեւ հիշեցրեց, որ երկու տարի առաջ Ռուսաստանի Դաշնության նախագահը «միացյալ ազգի» մասին ուղերձով դիմել էր Դաշնային խորհրդին, իսկ 2007 թվականին՝ Մյունխենում, ընդգծել էր, որ ԽՍՀՄ-ի փլուզումը 20-րդ դարի մեծագույն աղետն էր: «Մեր դարաշրջանի մեծագույն աղետը կլինի Պուտինի ղեկավարությամբ ԽՍՀՄ-ի վերականգնումը»,- հայտարարել է Յացենյուկը:
Հաղորդավարը խնդրեց Ուկրաինայի վարչապետին մեկնաբանել երկրի հարավ-արեւելքում հակասեմական հարձակումների մասին տեղեկությունները: Յացենյուկը, իհարկե, այդ ամենի համար մեղադրեց անջատողականներին: «Մեզ հայտնի է, որ զինված «խաղաղ բնակիչները» բաժանում էին թերթիկներ, համաձայն որոնց՝ ցանկացած հրեա պետք է «ցույց տար» իրեն եւ 50 դոլարով «գրանցվեր»: Այսօր առավոտյան ես պահանջեցի անմիջապես գտնել այդ ավազակներին եւ պատիժ նշանակել»:
Յացենյուկն ավելի լավ է մտածի, թե ոնց պետք է պատասխան տա ՈՒկրաինան քանդելու ու հարյուրավոր անմեղ զոհերի համար, որոնց վերջը դեռ չի երեւում,դժբախտաբար: Հո չի կարող Պուտինի մասին խոսելով, անընդհատ ժողովրդի ուշադրությունը շեղել:
Եվ կլինի, չկասկածեք,
Պատերազմից հետո սակայն և առանց ձեզ: