Պաշտոնական Մինսկը չի արգելափակի մայիսի 29-ին Աստանայում Եվրասիական տնտեսական միություն ստեղծելու մասին պայմանագրի ստորագրումը։ Այդ մասին այսօր Մինսկում հայտարարել է Բելառուսի նախագահ Ալեքսանդր Լուկաշենկոն:
Նա հայտարարել է, որ թեև իրենց ոչ բոլոր պահանջներն են կատարվել, սակայն երեկ Մոսկվայում բանակցությունների ընթացքում հիմնական հարցերի շուրջ փոխհամաձայնությունը կայացել է երկու կողմի փոխզիջումներից հետո:
«Մենք համաձայնության ենք հանգել հիմնական հարցերի շուրջ, մենք կարգավորել ենք մեր ավտոմեքենաների վաճառքի հարցը ռուսական շուկայում, լուծել ենք բեռնափոխադրումների հարցը, հետագա տասնամյակների համար լուծել ենք նավթամթերքի մատակարարման և իհարկե դրա հետ կապված տխրահռչակ մաքսային վճարների հարցը: Մենք պայմանավորվել ենք դրանք աստիճանաբար հանել. մյուս տարի մենք արդեն կիսով չափ քիչ կվճարենք Ռուսաստանին` իր նավթամթերքի վերամշակումից ստացված արտադրանքի վաճառքից գոյացած գումարից, այսինքն 1.5 միլիարդ դոլար մյուս տարի կմնա Բելառուսի բյուջեում: Իսկ 2016 թվականին, կարծում եմ, մենք մյուս կեսի հարցն էլ կլուծենք»,- հայտարարել է Լուկաշենոկոն:
Կարդացեք նաև
Մանրամասները կարող եք կարդալ «Ազատություն» ռ/կ-ի կայքում
