Արդարադատության նախարարության «Նուբարաշեն» քրեակատարողական հիմնարկի քսանինը ցմահ ազատազրկման դատապարտված սկսել է հացադուլ:
Հացադուլի շարժառիթը արդարադատության նախարար Հովհաննես Մանուկյանն է, որը չի պատասխանել իրենց նամակին:
Հացադուլին ընթացք չտալուց հետո ցմահները մտադիր են դիմել ծայրահեղ քայլի. զանգվածային ինքնավնասման:
Մեր փորձերը կապվել ցմահների հետ ապարդյուն անցան: Մեր աղբյուրի համաձայն, նրանք գտնվում են խիստ վերահսկողության տակ, հեռախոսներն անջատված են:
Կարդացեք նաև
Արդարադատության նախարարից նրանք պահանջել էին վաղաժամկետ պայմանական ազատել, ինչպես նաեւ վերանայել իրենց գործերը:
Մենք փորձեցինք կապվել նաեւ ՔԿՀ պատասխանատու Գոռ Ղլեչյանի հետ:
Պարզվեց արտակարգ խորհրդակցություն է հրավիրված, նա մասնակցում է եւ դեռ լրացուցիչ տեղեկություններ չունենք հացադուլի գրանցման, հացադուլավորների մասին:
Ռուզան ՄԻՆԱՍՅԱՆ
