Այսօր Ստրասբուրգում Խոշտանգումների և անմարդկային կամ արժանապատվությունը նվաստացնող վերաբերմունքի կամ պատժի կանխարգելման եվրոպական կոմիտեն (CPT) ներկայացրեց հոկտեմբերի 5-15-ը հանձնաժողովի անդամների՝ Հայաստան կատարած այցի վերաբերյալ զեկույցը:zekuyc-vat-verabermunq
Փաստաթղթում մտահոգություններ կան հատկապես քրեակատարողական հիմնարկների գերբնակեցվածության, ոստիկանության կողմից խոշտանգումների, վատ վերաբերմունքի կանխարգելման հարցում թերացումների, ազատազրկվածների կրթության, աշխատանքի, սպորտով զբաղվելու իրավունքի իրացման, բժշկական ծառայությունների ապահովման վերաբերյալ:
Նշված մտահոգություններին ՀՀ կառավարությունը պատասխանել է առանձին փաստաթղթով, որը ներկայացվել է Խոշտանգումների և անմարդկային կամ արժանապատվությունը նվաստացնող վերաբերմունքի կամ պատժի կանխարգելման եվրոպական կոմիտե:patasxan-xoshtangum
Հանձնաժողովը փաստում է, որ թեև ոստիկանության կողմից վատ վերաբերմունքի դրսևորման նվազում է գրանցվել, սակայն երևույթն այդպես էլ արմատախիլ չի արվել: ՀՀ ոստիկանության ծառայողները շատ դեպքերում թերացել են կանխարգելել բերման ենթարկված անձանց նկատմամբ վատ վերաբերմունքի, խոշտանգումների դեպքերը:
Կարդացեք նաև
Հատուկ քննչական ծառայության պրոֆեսիոնալիզմի վերաբերյալ զեկույցում հիմնականում դրական վերաբերմունք է արտահայտվում:
Զեկույցում մտահոգություն կա, որ իրավական երաշխիքները հիմնականում չեն ապահովագրում այն դեպքերից, երբ անձինք «հրավիրվում են» ոստիկանություն «ֆորմալ բանակցությունների» (նպատակը խոստովանական ցուցմունքներ կորզելն է) և ստիպված են լինում մնալ ոստիկանական հիմնարկներում անգամ մի քանի օր:
Կոմիտեն այս զեկույցում ևս վերահաստատում է իր նախկին առաջարկությունը միջոցներ ձեռնարկել, որպեսզի ազատազրկման մեջ գտնվող անձինք ստանան անհրաժեշտ բժշկական օգնություն:
Մեկուսարանները, ըստ զեկույցի, երկարատև կալանքի համար հիմնականում չեն կարող ծառայել, քանի որ այստեղ չկան համապատասխան պայմաններ:
Նշենք, որ հոկտեմբերին կոմիտեի անդամներն այցելել են Վանաձորի և Արմավիրի ՔԿՀ-ներ, այնուհետև Նուբարաշեն, «Երևան-կենտրոն» ՔԿՀ, «Դատապարտյալների հիվանդանոց» ՔԿՀ: Այս զեկույցում ևս մտահոգություն կա այն մասին, որ հատկապես Նուբարաշենի ՔԿՀ-ն գերբնակեցված է:
Մյուս մտահոգությունը կոռուպցիան է. «Ակնհայտ է, որ ՀՀ քրեակատարողական համակարգում կոռուպցիան շարունակում է հիմնախնդիր մնալ: Ուստի կոմիտեն ՀՀ իշխանություններին հորդորում է քայլեր ձեռնարկել նշված խնդրի լուծման համար»:
ՔԿՀ-ների աշխատակազմի կողմից վատ վերաբերմունքի վերաբերյալ դժգոհություններ ազատազրկվածները չեն ներկայացրել: Զեկույցում ամրագրված է. «Ի հակադրություն այլ ազատազրկվածների՝ ցմահ ազատազրկվածների պահման պայմանները գտնվում են վատ վիճակում: Հորդորում ենք ՀՀ իշխանություններին անհրաժեշտ քայլեր ձեռնարկել նրանց կրթության, աշխատանքի, սպորտով զբաղվելու իրավունքի իրացման համար և վերացնել նրանց մեկուսացումը մյուս ազատազրկվածներից»:
Տաթև ՀԱՐՈՒԹՅՈՒՆՅԱՆ
