«Իրազեկ եւ պաշտպանված սպառող» հ/կ նախագահ Բաբկեն Պիպոյանը, այսօր «Ուրբաթ» մամուլի ակումբում անդրադարձավ Սննդի անվտանգության պետական ծառայության Բուսասանիտարական տեսչության պետ Արթուր Նիկոյանի այն պնդմանը, թե ներկրվող բուսամթերքները սահմանային հսկիչ կետում ենթարկվում են սանիտարական վերահսկողության, մինչդեռ տեղական ապրանքները չեն ենթարկվում վերահսկողության:
Պրն Պիպոյանը իր խոսքում նշեց, որ պետք է փաստել, որ Հայաստանում գոյություն չունի բուսական ծագման մթերքի անվտանգություն, եւ անգամ եթե նիտրատների եւ պեստիցիդների նկատմամբ իրականացնում են վերահսկողություն, ապա դա անվտանգության երաշխիք չէ. «Երբ աչքակապության համար մի քանի մթերքների նիտրատների եւ պեստիցիդների ստուգման համար վերահսկողություն է իրականացվել,ապա դա բուսական ծագման մթերքի անվտանգություն չի»:
Պրն Պիպոյանի խոսքով՝ երբ հայտարարում են, թե ներկրվող ապրանքները ստուգման ենթարկվում են, իսկ տեղական ապրանքները ոչ, ապա անուղղակի կերպով պրոպագանդում են ներկրվող սննդամթերքը:
Բաբկեն Պիպոյանը նշեց, որ վերջերս ձմերուկից թունավորումներ շատ են եղել, անգամ մահացության դեպքեր են եղել, սակայն ոչ ոք չգիտի,թե այդ թունավորումները ներկրված ձմերուկից են եղել, թե՝ տեղական:Նրա խոսքով՝ բուսական ծագման մթերքի անվտանգությունը միայն նիտրատներով եւ պեստիցիդներով չի որոշվում:
Կարդացեք նաև
Մանրամասն՝ տեսանյութում
Բաբկեն Պիպոյանը համոզված է, որ պետական ապարատը պաշտպանելու համար նման տեղեկատվությունը դարձնում են հանրային սեփականություն:
Պրն Պիպոյանը նաեւ անդրադարձավ այն հանգամանքին, որ երկրում կա Թուրքիայից ներկրված ապրանք, որը ոչ միայն անվտանգ չէ, այլ նաեւ սխալ մակնշում ունի:
Էլյա ՀՈՎՀԱՆՆԻՍՅԱՆ
