Ադրբեջանի նախագահ Իլհամ Ալիևը խիստ սխալվում է, եթե կարծում է, որ կարող է արհամարհել իր իշխանության դեմ ուղղված քննադատությունները և լուրջ հետևանքների չարժանանալ, ասված է ամերիկյան «Ֆրիդոմ Հաուզ» իրավապաշտպան կազմակերպության հայտարարության մեջ, փոխացնում է «Կոնտակտ»-ը:
Օգոստոսի 21-ին բռնության էր ենթարկվել ադրբեջանցի իրավապաշտպան Իլգար Նասիբովը, ինչի առիթով էլ կազմակերպությունը տարածել է նշված հայտարարությունը:
«Երևում է Ադրբեջանի իշխանությունները վճռականորեն տրամադրված են ձերբակալությունների, կեղծ մեղադրանքների կամ վայրենի ծեծի միջոցով հետապնդել բոլոր իրավապաշտպաններին և իրենց քննադատողներին, ինչպես տեղի ունեցավ օգոստոսի 21-ին Նասիբովի հետ», – հայտնել է «Ֆրիդոմ Հաուզ»-ի ղեկավար Դևիդ Կրամերը՝ նշելով, որ Ալիևը և նրա կառավարությունը պետք է պատասխանատվության ենթարկվեն իրենց ստեղծած մթնոլորտի համար:
«ԱՄՆ-ը և Եվրոմիությունը պետք է պատժամիջոցներ կիրառեն պաշտոնատար անձանց նկատմամբ, որոնք պատասխանատու են և որոնք իրականացնում են այս սարսափելի գործողությունները», – ասել է Կրամերը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
