Կանազի կլինիկական հիվանդանոցի հոգեբուժական բաժանմունքի ռազմական բժիշկներին ծեծի ենթարկելու եւ հիվանդանոցից փախուստի դիմելու համար մեղադրվող ժամկետային զինծառայողների գործով դատական նիստին հարցաքննվող վկա, ռազմական ոստիկանության ենթասպա, բժիշկ Գոռ Սամոյանը պատմեց դեպքի մանրամասները:
Արաբկիր Քանաքեռ եւ Զեյթուն վարչական շրջանների ընդհանուր իրավասության դատարանում ասաց՝ այդ օրը ինքը հերթապահ բժշկի օգնականն է եղել: «Ժամը 11-ի սահմաններում շարքային Գարեգին Դանիելյանը մոտեցել է ինձ, ու տարել եմ բուժկետ: Իր մոտ հայտնաբերվեցին ձախ ձեռքի նախաբազկի քերծվածքներ, ինչը արել էր հոգեկան հուզմունքի արդյունքում: Գարեգինն է այդպես ինձ ասել: Դաշտային համազգեստի շորերով այդպիսի բան էր արել: Ասաց, որ զինհոսպիտալի դեպքի հետ կապված հիշել է ամեն ինչ, հուզվել է ու նման բան է արել»,- այսքանով սահմանափակվեց ռազմական բժշկի հարցաքննությունը:
Ինչպես արդեն տեղեկացրել ենք, երկու վկա չէին ներկայացել դատարան:
Դատարանի որոշմամբ, հրապարակեցին վկաների նախաքննական ցուցմունքները՝ չնայած պաշտպանների առարկությանն ու պնդմանը, թե վկաներին կարելի էր բերման ենթարկել:
Կարդացեք նաև
Արփինե ՍԻՄՈՆՅԱՆ
