Արթուր  Ալեքսանյանին ավտոմեքենա, Արսեն Ջուլֆալակյանին էլ տուն կառուցելու համար գումար  հատկացրեցին (տեսանյութ)

Արթուր  Ալեքսանյանին ավտոմեքենա, Արսեն Ջուլֆալակյանին էլ տուն կառուցելու համար գումար  հատկացրեցին (տեսանյութ)

gyumru avaganiԳյումրու ավագանու այսօրվա նիստը առանձնացավ  իր  առատ դրամահատկացումներով: Ավագանին գումար տրամադրեց քաղաքի օրը  մեծ շուքով նշելու, եզդիների ազգային  միությանը օգնելու, գյումրեցի 1911 և 1914 թվականներին  ծնված երկու տարեց տղամարդկանց  50 հազարականներ հատկացնելու համար:

Քաղաքի բյուջեից կատարված դրամահատկացումներից  Գյումրու քաղաքապետը հատկապես առանձնացրեց   հունահռոմեական ոճի ըմբիշներ, աշխարհի չեմպիոններ Արթուր Ալեքսանյանին և Արսեն Ջուլֆալակյանին գումար հատկացնելու փաստը: «Տեսեք փող ենք դուրս տալիս, բայց մեծ ուրախությամբ »,-ասաց Սամվել Բալասանյանը:

Ավագանին միաձայն Արթուր Ալեքսանյանին   ավտոմեքենա գնելու համար գումար հատկացրեց, իսկ Արսեն Ջուլֆալակյանին` Գյումրիում  հողատարածք ձեռք բերելու գումար: Քաղաքապետարանի սպորտի բաժնի պետը պատճառաբանեց, որ Ջուլֆալակյանների հայրական տունը անմխիթար վիճակում է, «Կումայր»-ի արգելոց-թանգարանի մեջ է, այն վերանորոգել հնարավոր չէ: Ավագանու անդամներից մեկը նստած տեղից ասաց. «Թող  մեկ-մեկ տելեվիզորով ասի, որ գյումրեցի է»:

Սամվել Բալասանյանը անմիջապես հակադարձեց ավագանու անդամին,ասելով, որ Արսեն Ջուլֆալակյանը հեռուստաեթերով ոչ միայն ասել է, որ ինքը գյումրեցի է,  այլ պարծեցել է իր գյումրեցի լինելով: Քաղաքապետն ասաց, որ հողատարածք ձեռք բերելու համար գումար են հատկացնում , որպեսզի աշխարհի չեմպիոնը մի գեղեցիկ տուն կառուցի Գյումրիում, ինչպես որ խոստացել է իրեն:  «Բերենք Արսեն Ջուլֆալակյանին Գյումրի»-, ասաց Գյումրու քաղաքապետը:

Մանրամասները`  տեսանյութերում:

 

 

Նունե ԱՐԵՎՇԱՏՅԱՆ

 

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք