ՀՀ քննչական կոմիտեից տեղեկացնում են, որ Եղվարդում վերջին տվյալներով հոսպիտալացվել է 54 երեխա՝ սննդային թունավորում նախնական ախտորոշմամբ, որոնցից 19-ը արդեն դուրս են գրվել։ Բոլորն էլ Եղվարդի թիվ 1 մանկապարտեզի սաներն են։ Կոտայքի քննչական վարչությունում հարուցվել է քրեական գործ եւ ժամանակավորապես կասեցվել մանկապարտեզի գործունեությունը, փորձանմուշներ են վերցվել ինչպես օրվա ճաշատեսակից, այնպես էլ պահեստավորված սննդից, միջոցներ են ձեռնարկվում պարզելու երեխաների թունավորման աղբյուրը:
