Ներկայումս Տավուշի մարզի Իջեւանի տարածաշրջանի ավտոգազալցավորման ճնշման կայաններում(ԱԳԼՃԿ) մեկ խորանարդ մետր գազի գինը 160 դրամ է: Իջեւան քաղաքից դեպի Նոյեմբերյան եւ Բերդ քաղաքներ տանող ավտոճանապարհի եզրի ցուցանակին գրված է գազի այդ գինը, նշված՝ «սառը գազ»: Այդ գազն ինչքանո՞վ է սառը, ինչպե՞ս է այն սառեցվել:
Հայաստան-Վրաստան միջպետական ավտոճանապարհի եզրին գտնվող, սահմանամերձ Բաղանիս գյուղի ավտոգազալցավորման ճնշման կայանում մեկ խորանարդ գազի գինը 185 դրամ է, իսկ Նոյեմբերյանի տարածաշրջանի ԱԳԼՃԿ –ներում՝ 200 դրամ:
Նշենք, որ Ռուսաստանից Հայաստան մտնող բնական գազի խողովակաշարը Վրաստանից Հայաստան է մտնում Նոյեմբերյանի տարածաշրջանի տարածքով:
Ոսկան ՍԱՐԳՍՅԱՆ
