Գարնանը Մեծ Բրիտանիայում կհրապարակվի հեքիաթի հայտնի հերոսներ Հենզելի եւ Գրետելի պատմությունը, բայց էրոտիկ մեկնաբանությամբ: Վերջինս վերծանվել է գերմանացի բանահավաք Ֆրանց Քսավիեր ֆոն Շոնվերտի 150-ամյա ձեռագրերից:
Ըստ բրիտանական լրատվամիջոցների, նոր հեքիաթը լրիվ փոխում է Հենզելի ու Գրետելի մասին քրեստոմատիական պատկերացումները: Ըստ բանահավաքի, Հենզելն ու Գրետելը ոչ թե քույր-եղբայր են, ինչպես Գրիմմ եղբայրների հեքիաթում, այլ արկածախնդիր սիրեկաններ, որոնք մի օր, ի վերջո, ամուսնանում են:
Գերմանացի բանահավաքը այլ կերպ է ներկայացրել նաեւ մեկ այլ հեքիաթ, որը պատմում է կախարդված գորտ-արքայազնի ու գեղեցկուհու մասին: Նրա ձեռագրերում, գորտին համբուրում է ոչ թե գեղեցկուհի, այլ գեղեցիկ երիտասարդ…
Հավելենք, որ Ֆրանց Քսավիեր ֆոն Շոնվերտի ձեռագրերը մինչ ուսումնասիրելը՝ 150 տարի «քնած» էին Ռեգենսբուրգի (Գերմանիա) գրապահոցում:
Պատրաստեց Գոհար ՀԱԿՈԲՅԱՆԸ