«Ժառանգություն» կուսակցության ղեկավար Րաֆֆի Հովհաննիսյանը փետրվարի 20-ին Ազատության հրապարակում իր ելույթից հետո պատասխանեց լրագրողների հարցերին: Հարցին, թե մարտի 1-ին Րաֆֆի Հովհաննիսյանը մասնակցելո՞ւ է նախատեսված համազգային հանրահավաքին, նա պատասխանեց, որ կուսակցությունը տեւական ժամանակ մասնակցել է ազգային ժողովրդական նախաձեռնություններին.
«Դա վերաբերվում է նաեւ մարտի 1-ին, եղել են լարված հարաբերություններ իմ եւ Լեւոն Տեր-Պետրոսյանի միջեւ, խնդիր չկա, մենք ներկա ենք ծաղիկով, խոսք ասելու ցանկությամբ: Այս մարտի 1-ին մենք կցանկանանք մասնակցել, սակայն «Ժառանգությունը» որոշել է գնալ Չինարի, գնալու ենք սահմանային շրջան եւ այդ օրը մենք մեր հարգանքի տուրքը պետք է մատուցենք զոհվածներին հենց այնտեղ: Այստեղ կվերադառնանք հենց մարտի 1-ին: Եվ եթե որեւէ մեկը կա Հայաստան աշխարհում, որ մարտի 2-ին՝ Հայաստանի՝ ՄԱԿ-ի անդամակցության օրը եւ մարտի 5-ին՝ սպարապետի ծննդյան օրն ուզում է միացյալ պայքար տանել, մենք պատրաստ ենք: Բայց մենք այս խաղն այլեւս չենք խաղում»:
Մեկ այլ հարցին, թե Րաֆֆի Հովհաննիսյանի գնահատականներով ինչո՞ւ նման իրավիճակ ստեղծվեց, ինչո՞ւ Գագիկ Ծառուկյանը իր հայտարարությունը փոխեց, նա պատասխանեց, որ չի կարող մեկնաբանել Գագիկ Ծառուկյանի եւ Լեւոն Տեր-Պետրոսյանի հայտարարությունները. «Ես պարզապես արձանագրում եմ, որ ես այսօր այստեղ եմ, եւ թեւ հարթակն իմ համար հրապույր չունի, հրապարակը լեցուն պետք է լիներ: Սա աստիճանական պայքար է, մեկ օրվա գործ չէ, պատրաստվե՛ք տեւական պայքարի մինչեւ հաղթանակ: Չկասկածե՛ք, որ հաջորդ ուրբաթ ավելին ենք լինելու, եւ այդպես շարունակ: Դուրս եկե՛ք Ազատիչ, իսկ Ռիչարդովիչը Ձեզ հետ դուրս կգա»:
Ամի ՉԻՉԱԿՅԱՆ
Ես իրոք գտնում եմ,որ վե՛րջ պիտի տալ «Ազատիչ»,«Ռիչարդովիչ»,«X-իչ» դիմելաձևին: Սա բայահա՛յտ օտարամոլություն (ռուսամոլություն) է և անհարգա՛նք Հայոց լեզվի նկատմամբ:
չհասկացա…Ռիչարդովիչը, իր հա՞յրն է…
որովհետեւ կարծում ես թէ, իր նման անձիք, իրենք իրենցմէ զատ՝ ոե՛ւէ մէկին երբեւիցե, նվազագոյն չափով անգամ, լսելո՞ւ են…
Քեզ մի գերագնահատիր, Րաֆֆի, ամեն ինչով հանդերձ, Ծառուկյանին ու Լևոնին մենք հաստատ քեզնից ավելի շատ ենք հարգում ու վստահում: Գնա քո ծննդավայրում մայդան կազմակերպիր: Էսօր քանի դեսպանատուն ես գնացել տաքսիով????))))))