Լրահոս
Օրվա լրահոսը

Շանթ Հարությունյանը` Ժիրայր Սեֆիլյանին. «Խնդրում եմ իշխանափոխության ժամկետները վերանայես»»

Մարտ 30,2015 19:30

Շանթ Հարությունյանի որդին՝ Շահեն Հարությունյանը Facebook-ի իր էջում գրել է.

«Պապան տեսակցության ժամանակ այս նամակը փոխանցեց ինձ:

Ժիրո ջան ուզում եմ իմ տեսակետը հայտնել քո նախաձեռնության վերաբերյալ: Իշխանափոխությանը միանշանակ կողմ եմ, բայց չեմ ընդունում իշխանափոխություն սկսել ապրիլի 24-ի երեկոյան: Չեմ ուզում քո նախաձեռնության աշխարհաքաղաքական բացասական հետևանքների մասին խոսել, քանի որ դու քաղաքական գործիչ չես և կարող ես շատ բան այլ կերպ պատկերացնել: Հիմա ավելի շատ ցանկանում եմ կարծիքս հայտնել նախաձեռնության բարոյական կողմի մասին:

Մեկ տարի անընդմեջ դու հայտարարում էիր «100-ամյակն առանց ռեժիմի»: Ինձ թվում էր, որ դու պետք է իշխանափոխության պրոցեսը սկսեիր ամենաուշը փետրվարի վերջին, որպեսզի ապրիլի 24-ին՝ ցեղասպանության 100-րդ տարելիցը, Հայաստանը նշեր նոր իշխանություններով և նոր նախագահով: Բայց եթե դու ինչ-ինչ պատճառներով պատրաստ չես եղել իրականացնել իշխանափոխությունը նշված ժամկետներում, դա, իհարկե, դատապարտելի չէ, բայց դատապարտելի է դրա իրականացումը սկսել ապրիլի 24-ի երեկոյան:

Եթե դու հաշվել ես, որ քո հնարավորությունները թույլ կտան իշխանափոխությունը սկսել ապրիլի 24-ի երեկոյան, ուրեմն դու կարող ես այդ պրոցեսը սկսել ապրիլի 28-ին, մայիսի 4-ին կամ հունիսի 15-ին, այսինքն` ապրիլի 24-ից հետո եկած ցանկացած օր:

Այդ դեպքում անհասկանալի է ապրիլի 24-ը ընտրել որպես իշխանափոխության սկիզբ, երբ Պուտինն ու Էրդողանը դեկտեմբերին համատեղ որոշում են կայացրել, տապալել ապրիլի 24-ին Հայաստանում սպասվելիք ցեղասպանության 100-ամյա տարելիցին նվիրված միջոցառումները:

Ապրիլի 24-ին նման քայլ նախաձեռնելը պայքարից հեռու կպահի իշխանափոխության կողմնակից լայն շերտերին, նաև զգալի հիասթափություն կառաջացնի նրանց մեջ:

Ժիրո ջան քո նախաձեռնությունը մոտավորապես նման է այսպիսի իրավիճակի. երբ մեկը գալիս և ասում է. «Տղերք, բժիշկները ասել են, որ մեր ընգեր Գագոյի պապը ծանր հիվանդա, 5 ամիս հետո մեռնելուա ու թաղմանն էլ լիքը մարդա գալու, կարելիա էտ օրը գնալ, թաղման ժողովուրդը հուզված կլինի, արժե բորբոքել ժողովրդին ու տանել իշխանափոխության» :

Կներես Ժիրո ջան, բայց քո նախաձեռնությունը մոտավորապես նման է այս իրավիճակին:

Հ.Գ. Ճիշտ է արաբական աշխարհում, մասնավորապես Պաղեստինում, Սիրիայում, Եգիպտոսում ընդունված է քաղաքական պայքար իրականացնել նույնիսկ զոհվածների թաղման օրերին և դագաղները ուսերին, բայց կարծում եմ հայ ժողովուրդը նման իրավիճակներում այլ վերաբերմունք է ցուցաբերում:

Դարձյալ կներես կարծիքս բարձրաձայնելու համար, բայց խնդրում եմ իշխանափոխության ժամկետները վերանայես»:

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (3)

Պատասխանել

  1. Կարապետ says:

    7 հատ փետով իշխանափոխություն անողը փաստորեն էնքան խելք ունի, որ կարա խորհուրդներ էլ տա։

    • Վարազ Սյունի (Ամստերդամ) says:

      Շանթը իր արածով ուղի՛ն ցույց տվեց. իրենց արածը սինվոլի՛կ էր. դա էր մեսիջը:

    • Թրավիս says:

      թերեւս ճիշտ այդ է արդեն յատկանշականը… երբ այլեւս Շանթ Հարությունյանը անգամ աւելի խելոք, աւելի տրամաբանական, հասուն եւ իմաստուն խոսքեր է ասում, քան թէ այն անձը որի ուղված են Շանթի այդ խոսքերը… թերեւս այլեւս ժամանակն է որ իրոք վերատեսության ենթարկվի կացությունը…

Պատասխանել

Օրացույց
Մարտ 2015
Երկ Երե Չոր Հնգ Ուրբ Շաբ Կիր
« Փետ   Ապր »
 1
2345678
9101112131415
16171819202122
23242526272829
3031