Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Արմեն Բեկթաշյանին անհայտ մնաց, թե ինչու դատախազը՝ Արմեն Փանոսյանը նիստին չէր ներկայացել:
Դատարանում էին պաշտպան Հեկտոր Սարդարյանը, տուժողների ներկայացուցիչներ Երեմ Սարգսյանն ու Թադեւոս Ալեքսանյանը, եւ հինգ վկաները:
Դատական նիստը նշանակվեց ապրիլի 15-ին:
Իսրայել Սարգսյանին մեղադրանք է առաջադրվել այն բանի համար, որ «նա կազմակերպել և օժանդակել է Մովսես Ներսիսյանի կողմից Արթուր Սաֆարյանի՝ հանցաշխարհի հեղինակություն Թեւոսիկի եղբոր սպանության կատարմանը, ապա այդ հանցանքը թաքցնելու նպատակով ապօրինաբար, դիտավորությամբ զրկել է կյանքից Մովսես Ներսիսյանին»:Նա նաեւ ապօրինի ձեռք է բերել և կրել է հրազեն հանդիսացող ատրճանակ և ռազմամթերք հանդիսացող` 3 հատ 5.6 մմ տրամաչափի փամփուշտներ, ինչպես նաև ապօրինի ձեռք է բերել ու իր փաստացի բնակության վայր` ք. Երևան Կոմիտասի պող. 27/1 շենքի բն. 7 հասցեին հարող տարածքում գտնվող ավտոտնակում առկա երկաթյա պահարանում պահել է նպատակային օգտագործման համար պիտանի, գործարանային արտադրության «ԷԴՊ» տեսակի էլեկտրական թվով 4 հատ ճայթիչներ և գլանաձև արկային վառոդի թվով 5 հատ հատիկներ:
