ԵԱՀԿ ԶԼՄ-ների ազատության հարցով ԵԱՀԿ ներկայացուցիչ Դունյա Միյատովիչը այսօր ասել է, որ լրագրողների անվտանգությունը միշտ պետք է ապահովվի: Նա արձագանքել է այսօր լուսադեմին «Ոչ թալանին» քաղաքացիական նախաձեռնության նստացույցը ցրելիս լրագրողների նկատմամբ իրականացված բռնություններին:
«Մեդիան ունի իրավունք լուսաբանելու հանրային միջոցառումները եւ լրագրողները պետք է կարողանան ազատ եւ ապահով վիճակում տեղեկություններ հաղորդել, առանց վախենալու ոտնձգություններից եւ ահաբեկումներից»,- մասնավորապես նշել է նա:
Դունյա Միյատովիչը նաեւ կոչ է արել Հայաստանի իշխանություններին՝ անհապաղ հետաքննել այս միջադեպերը եւ քայլեր ձեռնարկել ԶԼՄ ներկայացուցիչների հանդեպ իրավապահների ներկայացուցիչների զսպվածությունը ապահովելու համար:
Հաղորդվում է, որ Միյատովիչն այժմ Բոննում է եւ մասնակցում է «Deutsche Welle» գլոբալ մեդիա ֆորումին:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
Почему не напечатали мой коммент? Значит я дважды прав,что у нас нет свободных СМИ! Трусишки))))