Կա՞ որևէ ներդրվող, որը գոնե «Նաիրիտի» գործարկման ցանկություն կհայտնի` այսօր խորհրդարանում, ՀՀ Էներգետիկայի և բնական պաշարների նախարար Երվանդ Զախարյանից հետաքրքրվեց ԲՀԿ խմբակցության ղեկավար Նաիրա Զոհրաբյանը` «Նաիրիտ գործարան» ՓԲԸ-ի հետագա շահագործման, տեխնիկական և ֆինանսական կենսունակության ուսումնասիրությունների վերաբերյալ հաղորդման ներկայացման ժամանակ:
Նախարարն ասաց, որ այսօր, դժբախտաբար, պոտենցիալ ներդրող չկա. «Այս ժամանակահատվածում, ինչ ես նախարար եմ, որևէ ներդրող չի եղել, կոնկրետ առաջարկություններով որևէ մեկը չի դիմել»:
Նաիրա Զոհրաբյանը նաև հայտարարեց, որ «Նաիրիտը» թալանվել ու ավերվել է նախկին վարչապետ Տիգրան Սարգսյանի օրոք, սակայն Երվանդ Զախարյանը հրաժարվեց մեկնաբանություններ տալ. «Թե նախկին վարչապետի, թե նախկին նախարարի մասով մեկնաբանություններ չունեմ»:
Կարդացեք նաև
Նաիրա Զոհրաբյանն էլ արձագանքեց` եթե մենք չունենանք համարձակություն նշել մեղավորների, ապա սա ոչ մի տեղ տանող ճանապարհ է:
Նելլի ԳՐԻԳՈՐՅԱՆ
Հ. Գ. Քննարկման ավարտից հետո Երվանդ Զախարյանը հրաժարվեց պատասխանել լրագրողների հարցերին
