«Պետք չէ մի գերտերության գրկից պոկվենք ընկնենք մի այլ գերտերության գիրկը»,- խոսելով Իրանի հետ Հայաստանի համագործակցության հեռանկարներից՝ այսօր «Հայելի» ակումբում այսպիսի կարծիք հայտնեց նախկին Գերագույն խորհրդի պատգամավոր Ազատ Արշակյանը: Ըստ նրա, մեր ժողովրդի մոտ այնպիսի տպավորություն է, որ «Պարսկաստանը դրախտն է, այ հիմի կպրծնենք այս ամենից, նման բան չկա»:
Տնտեսագետ Վարդան Բոստանջյանը ի պատասխան նկատեց, որ գոնե մեր պետությունը կլինի իր գլխի տերը, կկառավարի իր երկիրը, թե չէ, ըստ Վարդան Բոստանջյանի, կստացվի «մարմնավաճառի նման մի բան. այնտեղից պոկվեցիր, գաս ստեղ մտնես»:
Մանրամասները` տեսանյութում
Վարդան Բոստանջյանն, անդրադառնալով երկրի արտաքին պարտքին, ասաց, որ այս տարիների ընթացքում Հայաստանից 20 միլիարդ դոլար գումար է դուրս հանվել, որից իրենց մասնաբաժինն ունեն նաեւ միջազգային ֆինանսական կառույցները, եւ հիմի էլ վարկերի տեսքով այդ գումարները տրամադրվում են Հայաստանին, ու օր օրի ավելացնում արտաքին պարտքը:
Կարդացեք նաև
Պարոն Բոստանջյանի համոզմամբ՝ Սահմանադրության նոր նախագիծը «անհեթեթությունների սիմֆոնիա» է եւ որ այն ոչ թե բարեփոխում է, այլ «փոփոխություն` բոլորիս հայտնի նպատակով. «Մենք ինչ խոսենք-չխոսենք` իրենք իրենց գործն անելու են»: Նրա խոսքերով, այսօր երկրում այնքան խնդիրներ կան` արտագաղթ, տնտեսության անկում եւ այլն, որ «մարդիկ հուզված չեն սահմանադրության փոփոխության հարցով»:
Ազատ Արշակյանն էլ համոզված է, որ, եթե ընտրակեղծիքներ չլինեն Սահմանադրական բարեփոխումների նախագիծը ձախողվելու է. «Հայաստանի հանրապետությունում, այսօր, եթե ընտրակեղծիքներ չլինեն, իշխանության առաջարկած ոչ մի ծրագիր չի կարող իրագործվել: Այսինքն`եթե ընտրակեղծիքով պետք է անցկացվի այս Սահմանադրությունը կանցնի, իսկ եթե ընտրակեղծիք չլինի, չեմ կարծում, որ որեւէ քաղաքական գործիչ կեղծելով, վտանգելով իր քաղաքական ներկան եւ ապագան ուզենա»:
Վարդան Բոստանջյանի կարծիքով, դրական կողմն այն է, որ այս նախագիծը կարող է դառնալ, այս համակարգի կործանման հիմքը:
Լուսինե ԲՈՒԴԱՂՅԱՆ
Պարոն Բոստանջյան, Իջևանի քաղաքապետ Վ.Ղալումյանը, որին Դուք քաղաքապետ կարգեցիք, համապատասխան դիմում է ներկայացրել ՀՀԿ ընդունվելու համար, իսկ Ձեր կուսակցությունը որևէ կերպ այդ հարցին չի անդրադառնում: Ինչ է սա, մեծահոգություն գավառական առնետների նկատմամբ, թե …