ՀՀ-ում ստեղծվել է շուրջ 20 փաստաբաններից բաղկացած խումբ, որի նպատակն է հասարակությանն իրազեկել Սահմանադրական բարեփոխումների թերությունների մասին։
«Անդրադարձ» մամուլի ակումբում խմբի անդամներից իրավաբան Գևորգ Գյոզալյանը տեղեկացրեց. «Մեր նպատակն է հասարակությանն իրազեկել եւ ցույց տալ Սահմանադրական փոփոխությունների թերությունները։ Մենք ոչ թե պատրաստվում ենք առաջարկություններով հանդես գալ, այլ խնդիր ենք դրել՝ արդյոք հասարակությանն անհրաժե՞շտ են Սահմանադրական բարեփոխումներ, թե՞ ոչ»: Ըստ պարոն Գյոզալյանի՝ Սահմանադրության նոր նախագծի ընդունումը լուրջ վտանգներով է լի:
Aravot.am-ի հարցին՝ որո՞նք են այդ վտանգները, պարոն Գյոզալյանը պատասխանեց, որ այդ վտանգների մասին իրենք կհայտարարեն մեկ-երկու ամիս հետո: Դառնալով թերություններին՝ մանրամասնեց. «Օրինակ՝ անձի նկատմամբ քրեական հետապնդում են իրականացնում, իսկ քննիչն էլ վատ է աշխատում, պաշտպանական կողմն էլ այնպես է աշխատում, որ տվյալ անձին արդարացնում են։ Բայց եթե այլ պաշտոնատար անձ եկավ, ապա նա կարող է ապացույցներ ձեռք բերել եւ արդեն իսկ արդարացված մարդուն նորից կանգնեցնել դատարանի առջեւ։ Սահմանադրության նոր փոփոխությամբ՝ այս հարցը կարող է լուծվել միայն քննիչի որոշմամբ։ Սա, իհարկե, լավ է, սակայն այն երկրի համար, որտեղ օբյեկտիվություն կա։ Մինչդեռ մենք խոսում ենք Հայաստանի մասին, որտեղ ամեն ինչ սուբյեկտիվ է»:
Մեր հարցին՝ հնարավո՞ր է համագործակցեն ՀԱԿ-ի հետ, քանի որ նրանք «ոչ»-ի լուրջ շարժում են նախաձեռնելու, պարոն Գյոզալյանը պատասխանեց. «Ոչ, հնարավոր չէ որևէ քաղաքական ուժի հետ համագործակցություն, քանի որ մենք քաղաքական շահ չենք հետապնդում, մենք մասնագետներ ենք: Եթե քաղաքական նպատակ հետապնդեինք, ապա մենք էլ նման ուժ կստեղծեինք»:
Կարդացեք նաև
Հետաքրքրվեցինք ի՞նչ կերպ են հասարակությանն իրազեկելու Սահմանադրության թերությունների մասին, խմբի անդամներից Քրիստինե Բեյբությանն ասաց. «Մասնագիտական վերլուծությունների արդյունքում վեր ենք հանելու առկա այն բոլոր թերությունները, որոնք կան այս Սահմանադրության նախագծում: Եվ մասնագիտական եզրակացության տեքստ կլինի, և կլինեն բրոշյուրներ, որոնք հանրությանը կտարածենք ու հասարակությունը հնարավորություն կունենա ծանոթանալ խնդրահարույց հարցերին և կհանգի այն եզրականության, որ բարեփոխումների անհրաժեշտություն չկա»:
Տաթև ՀԱՐՈՒԹՅՈՒՆՅԱՆ
իրանք, բայց որ հների գարշելի հոդվածներն էլ բացատրեն ժողովրդին, սկսած ԼՏՊ-ի սահմանադրությունից, գերազանց բան արած կըլնեն: