Բուլղարիայում մեկնարկած բռնցքամարտի Եվրոպայի առաջնությունում, որտեղ խաղարկվում են ինչպես Հին Աշխարհամասի հաղթողների մեդալները, այնպես էլ աշնանը Դոհայում կայանալիք աշխարհի առաջնության ուղեգրեր, այսօր հայաստանցի 75 կգ քաշային Արման Հովհիկյանը մեկնարկային մենամարտում պարտության մատնեց Հունաստանի ներկայացուցիչ Պավլոս Ցիգկրակոսին եւ պայքարը կշարունակի հաջորդ փուլում:
Երեկոյան ռինգ է մտնելու նաեւ 69 կգ քաշային Վլադիմիր Մարգարյանը: Նրա մրցակիցը լինելու է ֆրանսիացի Սուլեյման Ցիսոկոն:
Աշոտ ՀԱԿՈԲՅԱՆ