Պաշտոնական այցով Հայաստան է ժամանել Վրաստանի պաշտպանության նախարարը

Պաշտոնական այցով Հայաստան է ժամանել Վրաստանի պաշտպանության նախարարը

Հունվարի 31-ից փետրվարի 2-ն ընկած ժամանակահատվածում պաշտոնական այցով Հայաստանի Հանրապետությունում է գտնվում Վրաստանի պաշտպանության նախարար Թինաթին Խիդաշելիի գլխավորած պատվիրակությունը: Այցի ընթացքում նախատեսված են պատվիրակության հանդիպումները Հայաստանի Հանրապետության Նախագահի, Ամենայն Հայոց Կաթողիկոսի, ՀՀ վարչապետի, պաշտպանության և արտաքին գործերի նախարարների հետ:

Փետրվարի 1-ին, ժամը 10:00-ին ՀՀ պաշտպանության նախարարության վարչական համալիրում տեղի կունենա դիմավորման պաշտոնական արարողությունը, որին կհաջորդի վրացական պատվիրակության և ՀՀ պաշտպանության նախարարության ղեկավարության միջև ընդլայնված կազմով հանդիպումը` երկու երկրների միջև 2016թ. ռազմական համագործակցության ծրագրի ստորագրմամբ:

Ժամը 11:30-ին կկայանա Թինաթին Խիդաշելիի և Սեյրան Օհանյանի համատեղ մամլո ասուլիսը:

Լրատվամիջոցների ներկայացուցիչների մուտքը ՀՀ ՊՆ վարչական համալիր մինչև ժամը 09:45-ը:

Պաշտպանության նախարարություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք