«Հայաստանում խնդիր է արտադրության մենաշնորհացումը»,-այսօր այսպիսի կարծիք հայտնեց արժույթի միջազգային հիմնադրամի՝ ԱՄՀ հայաստանյան առաքելության նոր ղեկավար Հոսեյն Սամիին՝ պատասխանելով «Հայկական ժամանակ» օրաթերթի լրագրողի հարցին:
Լրագրողը ԱՄՀ ներկայացուցչից հետաքրքրվեց՝ Համաշխարհային բանկի փորձագետների կարծիքով, Հայաստանը ամենամենաշնորհացված տնտեսությունն ունի հետխորհրդային երկրներում. Երբ աշխարհում գնանկում է, մեր երկրում գները դանդաղ ու քիչ են իջնում, չե՞ք կարծում, որ դա խոչընդոտում է ՀՀ կենտրոնական բանկին, որպեսզի ավելի փափուկ դրամավարակային քաղաքականություն իրականացնի, որն էլ, ինչպես դուք եք ասում, նպաստում է տնտեսության դանդաղ աճին:
Այս առնչությամբ պարոն Սամիին ասաց.«Ես չեմ կարծում, որ միջազգային ներքին գների անցումը ցածր է, հիմա գնաճը բացասական է, սա ներմուծման ապրանքների գներով է պայմանավորված: Այո, դրամավարկային քաղաքականությունն էլ ավելի մեղմելու անհրաժեշտություն կա»:
Ապա` մենաշնորհների մասին էլ ԱՄՀ ներկայացուցիչն ասաց. «Հայաստանում խնդիր է արտադրության մենաշնորհացումը: Ես չգիտեմ, թե՝ որքանով է դա նպաստում գների կարծրությանը. դա դեռ ուսումնասիրության ենթակա է: Չէի զարմանա, եթե պարզեի, որ որոշ ոլորտներում դա նպաստում է, որ որոշ ոլորտներում գները կարծրացած լինեն»:
Կարդացեք նաև
Մանրամասները՝ տեսանյութում
ԱՄՀ ներկայացուցիչն ասաց, որ տեղյակ է՝ էկոնոմիկայի նոր նախարարն ու տնտեսական պաշտպանության պետական հանձնաժողովը հայտարարել են, որ միջոցառումներ են անելու մրցակցության խթանման եւ խաղի հավասար պայմաններ ստեղծելու համար. «Հուսով ենք կկարողանան ծրագրերն ի կատար ածել»:
Նելլի ԲԱԲԱՅԱՆ
