«Այս իշխանությունների վրա հույս դնել, որ դրական ինչ-որ քայլեր կանեն՝ անիմաստ է: Վկան՝ Հրազդանի խայտառակ ընտրությունները, եւ բոլոր պաշտոնյաների՝ անամոթաբար, լկտիաբար խառնվելը այդ ընտրություններին: Դասեր չեն քաղում, էլի: Պետք էր ընտրական աշխարհազորեր կազմավորել, որ գնան ու հետեւեն այդ ամբողջ գործընթացին դրսում: Դա պետք է դաս լինի կամ կասեցող նրանց այլանդակ գործողությունները»,- այսօր Aravot.am-ի հետ զրույցում Հրազդանի քաղաքապետի ընտրությունների մասին այսպիսի տեսակետ հայտնեց ՀԱԿ վարչության անդամ Զոյա Թադեւոսյանը:
Նա վստահեցրեց, որ ամբողջ խախտումներն անում է մեր ժողովուրդը. «Ընտրական հանձնաժողովի անդամը մեր ժողովուրդն է, ընտրակաշառք վերցնողը մեր ժողովուրդն է, մեր երկիրը քանդում է մեր ժողովուրդը: Ասում են՝ քաջ ենք, բայց տեղական «հակառակորդի» դեմ չեն կարողանում: Գնում են զենքի, փամփուշտի դեմ կանգնում են, բայց ներսում չեն կարողանում սրա դեմն առնել: Սա հայկական պարադոքս է»:
Զոյա Թադեւոսյանը գտնում է, որ ամեն մի ընտրակաշառք վերցնողի պետք է գտնել, գնալ տնետուն, հայտնաբերել նրանց ու դատաստանի ենթարկել, ամոթանք տալ, որ նա հասկանա՝ այն անմեղ զինվորի արյունը, որ թափվեց, դա ի՛ր պատճառով թափվեց:
Հռիփսիմե ՋԵԲԵՋՅԱՆ
Նորութիւն չէ դժբախտաբար –
2000 տարիներ առաջ Աւետարանը գրած է
ԹՇՆԱՄԻՔ ԱՐՆ ԸՆՏԱՆԻՔ ԻՒՐ
Ասով հանդերձ հաւատքով պայքարեցան, չի վհատեցան , նման տականքները դուրս շպրտեցին իրենց ընտանիքէն և ով հրաշք Քրիստոսի հետեւորդները այսօր երկու միլիառը կ`անցնին ;