Ermenihaber. Թուրքիայի մարտի 31-յան տեղական ինքնակառավարման մարմինների (ՏԻՄ) ընտրությունների արդյունքներով ավագանու անդամներ են դարձել նաև Թուրքիայում բնակվող հայերը:
Օրինակ՝ Ստամբուլի Շիշլի թաղամասի ՏԻմ ընտրություններում հաջողություն գրանցած, Թուրքիայում գլխավոր ընդդիմադիր ուժը համարվող «Ժողովրդահանրապետական» կուսակցության (ԺՀԿ-CHP) անդամ, ազգությամբ հայ, Պոլսո հայ համայնքի անդամ Թալին Էրգյունեշը դարձել է Շիշլիի ավագանու անդամ:
Դիարբեքիրի հայ համայնքի անդամ, ԺՀԿ-ական Մարգրիտ Դիքմենն էլ դարձել է Բաքըրքյոյի, իսկ Արետ Իբրահիմը Թուրքայը, ով ընդդիմադիր «Ժողովուրդների հավասարության և ժողովրդավարության» կուսակցության (DEM) անդամ է, Դիարբեքիրի Սուր շրջանի ավագանու անդամ:
Հիշեցնենք, որ ՏԻՄ ընտրություններում քվեների 37.77 տոկոսով հաղթել է ԺՀԿ-ն՝ ձայների 2.28 տոկոսի առավելությամբ գերազանցելով իշխող ուժին՝ «Արդարություն և զարգացում» կուսակցությանը։
