«Հայազն» կուսակցությունը ապրիլի 26-ին կազմակերպել է հավաք-երթ «Պահանջում ենք չզիջող գերագույն գլխավոր հրամանատար»: Երթի մասնակիցները Ազատության հրապարակից շարժվեցին Հյուսիսային պողոտայով դեպի կառավարության շենք, այնտեղից էլ Մաշտոցի պողոտայով կվերադառնան Ազատության հրապարակ։
Մինչ երթի սկիզբը «Հայազն» կուսակցության անդամ Արմեն Հովհաննիսյանը նկատեց, որ ապրիլյան դեպքերի ընթացքում աննախադեպ միասնություն գրանցվեց, ինչը չէր եղել Ղարաբաղյան շարժման ավարտից հետո. «Բայց ցավոք, մեր ամենաազնիվ մղումը հերթական անգամ նենգափոխվեց մի խումբ մակաբույծների հայտնի կազմի կողմից, որոնք հայտարարեցին՝ հիմա միասնություն է, մենք վտանգի տակ ենք, մենք բոլորս պիտի միավորվեն ոչ թե իրար հետ, ոչ թե համազգային միասնություն է, այլ միասնություն է Սերժ Սարգսյանի շուրջ։ Իրենց թվաց այդ խայծը կուլ տրվեց, եւ այդ ամենաայլասերված պատկերացումը միասնության մասին դարձել է համընդհանուր կարծիք։ Բայց այդ սարսափելի չորս օրերը ցույց տվեցին, որ դա իրականության հետ կապ չունի»:
Ըստ նրա, քառօրյա պատերազմը ցույց տվեց, որ իշխանությունը դասեր չի քաղել, որ միասնությունը կարող է ունենալ մեկ նպատակ՝ ստեղծել անվտանգ եւ զարգացող Հայաստան. «Բայց այդ նպատակը իրենց հետ որեւէ կապ չունի»։
Կարդացեք նաև
Ամի ՉԻՉԱԿՅԱՆ
