Այսօր ՀՀԿ ԳՄ նիստից հետո լրագրողներից մեկի հարցին՝ ՀՀ վարչապետը դիմելով Պետական եկամուտների կոմիտեի նախագահին, ասել է, որ հավասար պայմաններ ստեղծեն բոլոր ներկրողների համար, արդյոք մինչ այժմ հավասար չէին պայմանները, կուսակցության խոսնակ Էդուարդ Շարմազանովն ասաց.«Գոնե օրենսդրական առումով, հավասար են, պետք է ասել՝ թղթի վա հավասար պայմաններ են: Երեկ էլ պառլամենտում ընդդիմադիր պատգամավորներն ասել են՝ իրավական առումով չկա մենաշնորհ, իսկ իրականում, ես չեմ այն պաշտոնյան, որ մեկնաբանեմ»:
Մանրամասները՝ տեսանյութում
Կոռուպցիայի եւ մենաշնորհների դեմ իշխանությունների հայտարարած պայքարի մասին, ընդդիմադիրներն ասում են, որ մենաշնորհային դիրք ունեցողները իշխանության հետ կամ սերտաճած են կամ իշխանության մաս են, ինչպե՞ս են իրենք իրենց դեմ պայքարելու. Այս հարցին ի պատասխան էլ Շարմազանովն ասաց.«Այս հարցի շուրջ ավելի կոմպետենտ պետական գործիչներ արդեն խոսել են: Կոռուպցիան լուրջ ախտ է, որը հատուկ շատ երկրներին: Մենք պետք է քայլեր ձեռնարկենք դրա դեմ»:
Կարդացեք նաև
Ըստ Շարմազանովի, կոռուպցիայի դեմ պայքարի հիմնական մեխանիզմներից մեկը Սահմանադրական փոփոխություններն են, եւ, օրինակ՝ Ազգային Ժողովի լիազորությունների, ընդդիմադիրների լիազորությունների ավելացումը եւ այլն: «Կոռուպցիան եղել է, եւ գնացել է բավարար տեմպերով, թե՝ ոչ, ես չէ, որ պետք է գնահատական հնչեցնեմ: Կա հասարակության գնահատական, փորձագիտական գնահատական, եւ ընտրությունների միջոցով ժողովուրդը կորոշի՝ կա՞ կոռուպցիայի դեմ պայքար»:
Նելլի ԲԱԲԱՅԱՆ
