ՀՀ կենտրոնական ընտրական հանձնաժողովի անդամ Սեյրան Շահսուվարյանից հետաքրքրվեցինք՝ գուցե արժե՞ այսուհետ հատուկ (պետական, ազգային) հանձնաժողով ստեղծել, որը կզբաղվի ԱԺ պատգամավոր դառնալու ցանկություն ունեցողների մտավոր կարողությունների թեստավորմամբ։ Եվ, ըստ այդ թեստավորման արդյունքների, որոշակի շեմ չհաղթահարած թեկնածուներին ԿԸՀ-ն չգրանցի որպես պատգամավորի թեկնածու, այսպիսով կանխելով թերուսների մասնակցությունն ընտրություններին եւ, հետեւապես, մուտքն ԱԺ։
Պրն. Շահսուվարյանը, որը, ի դեպ, մինչ ԿԸՀ անդամ նշանակվելը եղել է ՀՀ պաշտպանության նախարարի մամուլի քարտուղար, ապա ՊՆ մամուլի ծառայության պետ եւ կոչումով գնդապետ է, «տրամաբանության մեջ չմտնող, հնարած» որակեց վերոնշյալ առաջարկը, ապա իրեն հատուկ ոճով ասաց. «Եթե մարդը պատգամավոր է դարձել որոշ չափանիշներ պահպանելով, ուրեմն դարձել է։ Ի վերջո, պատգամավորին ոչ թե ԿԸՀ-ն է ընտրում, այլ՝ ժողովուրդը, եթե ժողովուրդը վստահել է ու իր քվեն տվել է, ԿԸՀ-ն էդտեղ ի՞նչ ունի անելու»։
Ապա որոշեց հակադարձել. «Քի՞չ լրագրողներ կան անգրագետ, որ «ա» ու «բ» չեն ճանաչում։ Ես, քանի որ մամուլի հետ աշխատելու երկար փորձ ունեմ, դրա համար եմ ասում։ Դե թող ցենզ հաստատվի, որ լրագրողներն իրենց անունը գրել սովորեն, Ղարաբաղի տեղն իմանան, նոր Ղարաբաղի մասին խոսեն, բանակի տեղն իմանան, նոր խոսեն եւ այլն, եւ այլն։
Ցենզերը հաստատողը հո ես ու դուք չե՞նք։ Էնքան մարդ ա եկել մոտս հավատարմագրվելու, որ չի իմացել ատրճանակն ու տանկը ոնց տարբերի։ Հետո էլ ասել է՝ ես հավատարմագրված լրագրող եմ եւ գալիս եմ մեկնաբանեմ հայկական զինուժը»:
Կարդացեք նաև
Հեղինե ՄԱՆՈՒԿՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
