Այսօր «Աշխարհաքաղաքական նոր մարտահրավերներն ու դրանց դիմակայման Հայաստանի ներքին ռեսուրսները» թեմայով կլոր սեղանի ժամանակ ԵՄԱ նախագահ Բորիս Նավասարդյանը բանախոս, Եվրասիա համագործակցություն հիմնադրամի գործադիր տնօրեն Գեւորգ Տեր-Գաբրիելյանին հարցրեց՝ առաջին անգամ մեր պատմության մեջ ՀՀ ներքին քաղաքականության զարգացումների վերաբերյալ ունեցել ենք տարբեր արձագանքներ ԵՄ-ից, ԱՄՆ-ից եւ ՌԴ-ից: Որ նրանք ուղղակիորեն հակադրության մեջ մտնեն՝ այդպիսի բան չի եղել, ինչպե՞ս դա կմեկնաբանեք: Նա պատասխանեց. «Շատ դժվար է մեկնաբանել ՀՀ-ում իրավիճակը, պետք չէ օգտագործել կարծրատիպեր՝ իրադրությունը մեկնաբանելու համար. «Բարդ շախմատ է, որտեղ ոչ թե մի հոգի գրոսմայստերը խաղում է մի խաղացողի հետ, այլ յուրաքանչյուր խաղացող խաղում է մի քանի տախտակի վրա միմյանց հետ: Օրինակ, Պուտինը խաղում է Ալիեւի, Արեւմուտքի եւ Սերժ Սարգսյանի հետ: Ալիեւը խաղում է նույն խաղացողների հետ:
Սերժ Սարգսյանը խաղում է Պուտինի, Ալիեւի, Արեւմուտքի հետ եւ «Սասնա ծռերի», ժողովրդական շարժման հետ: Եթե Զախարովայի խոսքն ենք վերցնում, որպես Պուտինի վարչակարգի դիրքորոշում, ապա իրադրությունը շատ պարզ է դառնում: Պուտինը Ադրբեջանից մի բան է ուզում, Ադրբեջանն ասում է՝ դե, մի նվեր տուր, ես այդ բանը կանեմ: Պուտինը Սերժ Սարգսյանին ասում է՝ մի նվեր տուր, Սերժ Սարգսյանը Արեւմուտքին ասում է՝ Պուտինին ասեք, որ չեմ կարող, որովհետեւ այստեղ այսպիսի իրադրություն է: Եթե հանկարծ իմ վարչակարգը գնա, կարող է շատ ավելի վտանգավոր վարչակարգ գա կամ քաոս գա: Զախարովան կամ այլ ռուսաստանյան խոսափողներ պարզորոշ կերպով սա ասացին: Մեզ համար, որպես ՀՀ քաղաքացիներ, սա ստեղծում է բավականին դժվար իրադրություն: Ոչ այն դիրքորոշումն է ճիշտ, որ եկեք չխառնվենք Խորենացի փողոցում իրադարձություններին, որովհետեւ չի կարելի իրադրությունը ճոճել, ոչ էլ այն դիրքորոշումն է ճիշտ, որ եկեք չխառնվենք»:
Նա հիշեցրեց 88-89-ի իրադրությունները, երբ այն պահն էր գալիս, երբ ի վերջո Դեմիրճյանը թողեց գնաց. «Հավասարակշռության կետ է կոչվում դա: Երբ գնդակը թենիսի ցանցի վրա է գտնվում ու չգիտես՝ ա՞յս կողմ է ընկնում, թե՞ այն»:
Կարդացեք նաև
Մոսկվան ջղաձգվել է, ՌԴ-ն Զախարովայի շուրթերով ինչ-որ բան է ասում,ՊՊԾ գնդում ի՞նչ եք կանխատեսում՝ հաշվի առնելով ՌԴ-ի պահվածքը եւ ԵՄ-ի՝ անմիջական միջամտությունների առումով: Գեւորգ Տեր-Գաբրիելյանն ասաց, որ կանխատեսում չի կարող անել, որովհետեւ ոչ ոք չգիտի, թե վաղը ինչ կլինի:
Հռիփսիմե ՋԵԲԵՋՅԱՆ
Այն ո՞վ է ով –
Քոչին ,,քցեց,,
Դոդին բամփեց
Ժողովրդի վզին դրեց
Աթոռ գրկեց
Հավերժ նստեց
Պուտի, եվրո,
Թուրք ու թաթար
Իրար խառնեց
Ռիո մեկնեց
Խաղեր դիտեց …