«Այսպիսի ռեպրեսիաներ Հայաստանում չեմ հիշում, կարող է Սերժ Սարգսյանի ասածից հետո ինչ-որ բաներ իսկապես մոռացել եմ, բայց չեմ հիշում դեպք, որ թույլ չտան պատգամավորներին մտնել կալանավորների մոտ: Ես, որպես պատգամավոր, ցանկացած կալանավորի մոտ մտել եմ, փաստաբանները մտել են, դիտորդները մտել են, այսօր փակել են բոլոր դռները»,- այսօր «Հայելի» ակումբում ասաց «Բարեւ Երեւան» խմբակցության անդամ Անահիտ Բախշյանը:
Նրա գնահատմամբ՝ «Սա քաղաքական հետապնդման աննախադեպ աստիճան է, որի արդյունքում «Բարեւ Երեւանի» ավագանիում գործունեությունը պարալիզացված է: Մեր գործունեությանը խոչընդոտում է ՀՔԾ-ն: Այդ մարդիկ անձեռնմխելիություն չունեն, բայց ընտրված մարդիկ են երեւանցիների կողմից բանտարկել եք, որ ի՞նչ»:
Անահիտ Բախշյանը համոզված է, որ սա քաղաքական հետապնդում է մասնավորապես «Ժառանգության» նկատմամբ. «Որակումը որ տվել են՝ զանգվածային անկարգությունների կազմակերպիչներ են, ամենայն պատասխանատվությամբ հայտարարում եմ՝ ոստիկանությունն է անկարգությունների կազմակերպիչը, որքան հետեւել ու տեսել ենք»:
Նա հորդորեց վերջ տան ռեպրեսիաներին եւ ասաց, որ իրենց խմբակցության անդամներին ազատ արձակելու կոչին միացել է Երեւանի ավագանու ԲՀԿ խմբակցության 4 պատգամավոր. «Հայտարարություն են տարածել, որ միանում են, ՀՀԿ-ից այդպես էլ ձայն չեն հանել, ոչինչ չեն ասել: Եթե նրանցից որեւէ մեկի նկատմամբ անօրեն որոշում կկայացվի, խոստանում եմ կանգնել իրենց կողքին, իսկ այսօր իրենք ձայն չեն հանում»:
Կարդացեք նաև
Դավիթ Սանասարյանի փաստաբան Ռոբերտ Ռեւազյանի խոսքերով՝ մինչ օրս որեւէ ոստիկանի մեղադրանք չի առաջադրվել ու չեն պատժել: Շատ հարցեր են առաջացել, որոնց գնահատականներ չեն տրվել: Ռեւազյանն ասաց, որ բողոքարկման գործընթացը, Սանասարյանի առողջական վիճակը հետազոտման փուլում է. «Այսօր պետք է հանդիպեմ իր հետ, եթե անհրաժեշտ է, նոր միջնորդություններ կներկայացնեմ, որովհետեւ եթե բուժօգնությունը չլինի՝ վատ հետեւանքներ կլինեն»:
Անդրադառնալով գլխավոր դատախազ Գեւորգ Կոստանյանի հրաժարականին՝ Անահիտ Բախշյանն ասաց. «Այն, որ առողջական խնդիրներ ունի, բոլորովին չենք հավատում դրան: Տարբեր պատճառներ կարող են լինել, մասնավորապես այն, որ Կոստանյանը հարցազրույցի ժամանակ «Շանթում» բարձրաձայնեց, որ եթե զենքը վայր դնեն, քրեական պատասխանատվության ինչ-որ կետեր կթեթեւանան: Երբ զենքերը վայր դրեցին, պարզվեց, որ դատախազը սուտ է խոսել, նա կարող է վիրավորված լինի այդ վիճակից: Նաեւ երեկ տարածվեց Վիտալի Բալասանյանի ձայնագրությունը, նույն խոստումները Սերժ Սարգսյանի անունից տալիս է Վիտալի Բալասանյանը: Պարզվեց, որ Վիտալիին էլ են խաբել: Սովորական երեւույթ է մեր իշխանավորների կողմից»:
Հռիփսիմե ՋԵԲԵՋՅԱՆ
Եթե Վիտալիին խաբել են, ապա նա պարտավոր է ներեղություն խնդրել իր խոստումներին հավատացողներին:
Հարգելի Հռիփսիմե Ջեբեջյան խնդրում եմ ուշարրություն դարձրեք ՀՀ օրենքից հոդվածից կատարված ձեր մեջբերմումը արդյուք ճիշտ է կատարված ինչ է նշանակում “նյութերից քաղվածքների վերարտադրությունը չպետք է բացահայտի լարատվական նյութի էական մասը” սա ինչ որ աբսուրդ է
Հեղինակային իրավունքի մասին օրենքում այդպես է գրված, կարող եք տեսնել հղումը: https://www.parliament.am/legislation.php?sel=show&ID=4810