Համատեղ աշխատանքի արդյունքում պարզվել է, որ կեղծ ահազանգեր են ստացվել Հայաստանի իշխանական մարմինների օբյեկտների վրա հարձակումների վերաբերյալ: Այս մասին «Իզվեստիա» թերթի հետ զրույցում ասել է Ռուսաստանում Ինտերպոլի ազգային կենտրոնական բյուրոյի ղեկավար Ալեքսանդր Պրոկոպչուկը:
Մասնավորապես, նա նշել է, որ Ինտերպոլի հնարավորությունները լայնորեն կիրառվում են՝ դիմակայելու ահաբեկիչների՝ համացանցը սեփական նպատակներով օգտագործելու փորձերին: Նրա խոսքով՝ արտասահմանյան գործընկերների հետ իրենք ստուգում են ենթադրյալ ահաբեկիչների կողմից օգտագործվող էլեկտրոնային հասցեները, կայքերը, վիդեոալիքները՝ չարագործների անձը պարզելու համար:
«Շնորհիվ Կիպրոսում Ինտերպոլի ազգային կենտրոնական բյուրոյի հետ համատեղ աշխատանքի՝ հաստատվել է մեկ ռուսի ինքնություն, որը բազմիցս ակնհայտ կեղծ տեղեկություններ է հաղորդել նախապատրաստվող ահաբեկչությունների մասին: Մասնավորապես, նա սպառնացել է պայթեցնել Լարնակայի օդանավակայանը, Հայաստանի, Ղազախստանի և Բելառուսի իշխանական մարմինների օբյեկտներ: Հարուցվել է քրեական գործ ՔՕ «Ակնհայտ սուտ տեղեկատվություն ահաբեկչության մասին» հոդվածով»,- ասել է Պրոկոպչուկը:
Պատրաստեց՝ Վիկտորյա ԱՆԴՐԵԱՍՅԱՆԸ
