Մադու իրավունքների միջազգային ֆեդերացիան (ՄԻՄՖ) և Հայաստանում դրա անդամ կազմակերպությունը՝ Քաղաքացիական հասարակության ինստիտուտը (ՔՀԻ) դատապարտել են «Նոր Հայաստան» շարժման անդամ Գևորգ Մարտիրոսյանի նկատմամբ կիրառված 2 տարվա ազատազրկման դատավճիռը: Այս մասին գրում է ՄԻՄՀ կայքը՝ հիշեցնելով, որ Սաֆարյանը ավելի քան մեկ տարի գտնվել է նախաքննական կալանքի տակ:
Գևորգ Սաֆարյանը ձերբակալվել է 2015թ. դեկտեմբերի 31-ին՝ Նոր տարվա խաղաղ հավաքի ժամանակ, երբ ակտիվիստները փորձել են տոնածառ տեղադրել:Նրա հետ բերման ենթարկված ակտիվիստները կարճ ժամանակ անց ազատ են արձակվել, մինչդեռ Սաֆարյանի դեմ բացվել է քրեական գործ՝ ՔՕ 316 (1) հոդվածով:
ՔՀԻ-ի համաձայն՝ Սաֆարյանի նախաքննական և դատական գործընթացների ժամանակ խախտվել են արդար դատավարության սկզբունքները: Ըստ Սաֆարյանի փաստաբանի՝ իրենց առնվազն 7 վկաների դատավոր Մնացական Մարտիրոսյանը վկայություն տալու թույլտվությունից զրկել է՝ առանց օրինական հիմքով բացատրության: Մեղադրող կողմի վկաները տվել են հակասական վկայություններ: Այնուամենայնիվ, այդ հակասությունները պատշաճ կերպով հաշվի չեն առնվել դատարանի կողմից, ավելին, ընդունվել են որպես հիմք մեղադրանքի համար: Չեն ուսումնասիրվել նաև պաշտպանող կողմի այն փաստարկները, որ քննիչները կեղծել են գործի որոշ մասեր:
Գևորգ Սաֆարյանը հայտնի է իր քաղաքական դիրքորոշմամբ: Նախկինում նա մասնակցել է ցույցերի և իր քննադատական վերաբերմունքն է հայտնել իշխող կառավարության նկատմամբ: Սաֆարյանի դեմ քննությունը և դատավարությունը, թվում է, պատասխանն են նրա քաղաքական հայացքներին, ասվում է հայտարարության մեջ:
Կարդացեք նաև
Մարդու իրավունքների միջազգային ֆեդերացիան և Քաղաքացիական հասարակության ինստիտուտը կոչ են անում Հայաստանի արդարադատության մարմիններին իրականացնել անկախ, արդյունավետ և լիարժեք դատավարություն՝ համաձայն արդար դատավարության և անմեղության կանխավարկածի միջազգային ընդունված չափանիշների:
Պատրաստեց՝ Վիկտորյա ԱՆԴՐԵԱՍՅԱՆԸ
