Մամուլում հրապարակում է եղել, որ Իջեւանի անտառտնտեսության տնօրեն, Տավուշի մարզն ընդգրկող ընտրատարածքում ՀՅԴ կուսակցության տարածքային ցուցակի թեկնածու Սուրեն Մանուկյանը որպես ընտրակաշառք վառելափայտ է բաժանում: Նրան հարցրինք այդ մասին: Նա ասաց. «Նախ նշեմ,որ այս պահին գտնվում եմ արձակուրդում եւ մասնակից չեմ կարող լինել մամուլում նշված՝ վառելափայտը իբր կաշառք բաժանելուն: Պարզապես ես դա համարում եմ հերյուրանք, նման հարցերին անդրադառնալն՝ անիմաստ: Կարծում եմ՝ կարող են լինել անհատներ կամ որեւէ մեկի շահերը ներկայացնող մարդիկ, որոնք շահագրգիռ կլինեն ստվերելու ընտրություններին իմ մասնակցությունը: Նմանատիպ լուրերը համարում եմ անբարոյականություն»:
Ասացինք, որ նա մարզկենտրոն Իջեւան քաղաքի բնակիչ է, մարզի մյուս տարածաշրջանների՝ Նոյեմբերյանի, Բերդի եւ Դիլիջանի տարածաշրջանները բնակիչները նրան ճանաչո՞ւմ են , որպեսզի ապրիլի 2-ին քվե տան:
Ս. Մանուկյանն ասաց. «Ես Իջեւան քաղաքի բնակիչ եմ, սակայն իմ աշխատանքային գործունեությունը թույլ է տվել, որ Իջեւանի տարածաշրջանի բնակչությանը լավագույնս ճանաչի ինձ: Իսկ Նոյեմբերյանի, Բերդի եւ Դիլիջանի տարածաշրջաններում ինձ ճանաչող բնակիչների թիվը զգալի է: Վստահ եմ քարոզարշավի հատկացված ժամանակահատվածը լիարժեք բավարար է, որպեսզի վերոհիշյալ տարածաշրջանների բնակչությունը լավագույնս ճանաչի և վստահի ինձ»՚
Ս.Մանուկյանը 32 տարեկան է: Երիտասարդ լինելը նրան կօգնի՞, թե՞ կխանգարի առաջիկա ընտրություններում:
Կարդացեք նաև
Նա պատասխանեց. «Երիտասարդ լինելս եւ առավելություն է, եւ որոշակի առումով՝ թերություն: Ինձ ճանաչողներին ներկայանալու խնդիր չունեմ, քանզի լի եմ եռանդով, անհրաժեշտ գիտելիքներով: Աշխատածս տարիներս ինձ բերել են փորձ եւ հմտություն: Այնպես որ, իմ թեկնածությունն ընտրություններին համարում եմ ճիշտ»:
Ոսկան ՍԱՐԳՍՅԱՆ
Լուսանկարը՝ Սուրեն Մանուկյանի ֆեյսբուքյան էջից
Չեն ամաչում, որ Սուրեն Մանուկյանի հասցեին վատ բաներ են գրում։ Արժանի մարդ, արժանի թեկնածու, ժողովրդավար ասվածը հենց Սուրեն Մանուկյանին է վերաբերվում։
Սուրեն Մանուկյանը ինչի հասել է իրանով է հասել, իր ընկերով, հարազատներով ։ Դրա համար հարուստների ներկայացուցիչների համար դժվար է հասկանալ թե որտեղից է Սուրեն Մանուկյանին այդքան շատ հեղինակություն, առանց փողի և հարստության։ Հիմա փորձում ու փորձելու են հեղինակազրկել, որպեսզի իրենց փողն ու հարստությունը աշխատի։