Ապրիլի 2-ի խորհրդարանական ընտրությունների քարոզարշավի 3-րդ օրը «Ծառուկյան» դաշինքը շարունակում է հանդիպումները Տավուշի մարզում: Բերդ քաղաքում կայացած նախընտրական հանդիպման ժամանակ Տավուշի մարզի Չինչին գյուղի պատասխանատուն մոտեցավ Գագիկ Ծառուկյանին եւ տեղեկացրեց, որ ամուսինն աշխատում է գազի գրասենյակում ու արդեն առավոտյան գազի գրասենյակի պատասխանատուները զանգահարել են ամուսնուն, ասել, որպեսզի գնա եւ աշխատանքից ազատվելու դիմում գրի, քանի որ իր կինը «Ծառուկյան» դաշինքին է սատարում:
Գագիկ Ծառուկյանին բարկացրեց սույն փաստը: Այդ տիկնոջը նա ասաց, որպեսզի հստակեցնի եւ իրեն փոխանցի այն մարդու անուն-ազգանունը, ով նման հրահանգ է տվել, ու տեղեկացրեց, որ նրա ամուսինը պետք է շարունակի աշխատել, քանի որ որեւէ օրենք Հայաստանում գոյություն չունի, որն արգելում է մարդու քաղաքական գործունեությունը կամ նախասիրությունները:
Քարոզարշավի մասին այլ մանրամասներ՝ քիչ ուշ:
Կարդացեք նաև
Նելլի ԳՐԻԳՈՐՅԱՆ
