Քաղաքագետ Լեւոն Շիրինյանի համոզմամբ, խաղաղությունը պետք է պարտադրվի Ադրբեջանին ռազմական գործողություններով:
«Դա դժվար գործ է, բայց եթե երկրի ու ժողովրդի գոյության հարցն է, ինչ անես»,- այսօր «Հայելի» ակումբում ասաց քաղաքագետը:
Նա նկատեց, որ հայ ժողովուրդը մերժեց առաջին նախագահի խաղաղության ծրագիրը, որի թիմը, ըստ պարոն Շիրինյանի աղանդ է հշեցնում. «Լեւոն Տեր-Պետրոսյանից հարցրեք՝ ում ինչ խոստում է տվել էն գլխից, որ այս ճանապարհով ենք գնում… Եթե Ռուսաստանը շահագրգիռ է Ադրբեջանին իր գիրկը տանել Հայաստանի հաշվին, ապա դա չի կարող լինել: Ինչ մնում է Եվրոպային եւ ԱՄՆ-ին , ապա նրանք ոչ միայն շահագրգռված չեն, այլ ոչ-ի տեսակետ կունենան, որ Ռուսաստանի դերը ավելի չբարձրանա այս տարածաշրջանում»:
Քաղաքագետի խոսքով, ապրիլյան պատերազմով էլ Ադրբեջանը հաջողություն չգրանցեց, ստրատեգիական իմաստով ոչ մի հարց չի լուծել, իսկ հիմա հյուծման պատերազմի է անցել. «Սա շարունակվելու է այնքան ժամանակ, մինչև հայկական կողմը Ադրբեջանին չպարտադրի հարյուր տոկոսանոց խաղաղություն, ինչի համար համախոհներ է պետք, պետք է Իրանի հետ երկխոսության գնալ, գուցե ինչ- որ գործակցություններ կան, բայց դա բավարար չէ»:
Արփինե ՍԻՄՈՆՅԱՆ
