Բասկետբոլի Հայաստանի ազգային հավաքականի գլխավոր մարզիչ Նիկշա Բավցեւիչը Շվեդիայի հետ արտագնա հանդիպման ավարտին ՀԲՖ մամուլի ծառայության հետ զրույցում ամփոփել է խաղի արդյունքները:
«Մրցակիցը մեծ ճնշում գործադրեց մեր վրա եւ բավական կոպիտ էր գործում: Շատ ուժեղ հսկողություն էին սահմանել Բոաթրայթի նկատմամբ։
Ցավոք, մենք չդիմացանք այդ ճնշմանը։ Բավական անհաջող իրացրինք տուգանայինները։ Այս երկու հանգամանքը մեծ ազդեցություն ունեցավ խաղի ելքի վրա։ Մեր թիմը նման հանդիպումների փորձ չունի, ինչը տեսանելի էր այսօր»,- նշել է մարզիչը։
Հաջորդ հանդիպումը մեր թիմը կանցկացնի Երեւանում՝ ընդունելով Բոսնիա եւ Հերցեգովինայի ընտրանուն: Հայաստանի հավաքականը խմբից դուրս գալու շնաս դեռ ունի: Դրա համար անհրաժեշտ է հաղթել:
«Շվեդիան ապահովեց տեղը հաջորդ փուլում։ Վերջին տուրում մենք կարող ենք հաղթել եւ նվաճել այս խմբի երկրորդ ուղեգիրը։ Մենք այլ տարբերակ չունենք: Ամեն ինչ մեր ձեռքում է: Հույս ունեմ, որ հայ երկրպագուները կգան մարզադահլիճ եւ կաջակցեն մեզ», – ասել է Նիկշա Բավցեւիչը։
Հայաստան-Բոսնիա եւ Հերցեգովինա հանդիպումը կկայանա օգոստոսի 19-ին, ժամը 20։00-ին՝ ԿԱ ՊԵԿ մարզադահլիճում, նախկին «Միկա»։ Մուտքն ազատ է։
Աշոտ ՀԱՄՈԲՅԱՆ
Լուսանկարը՝ ՀԲՖ-ի
