Ստեփանակերտի կենտրոնական շուկան Արցախի մայրաքաղաքի տեսարժան վայրերից մեկն է: Այստեղ են շտապում աշխարհի տարբեր ծայրերից ժամանած զբոսաշրջիկները՝ գնելու համար Արցախի բրենդ դարձած ժինգյալով հացը:
Ստեփանակերտի շուկայում էլ հանդիպեցինք մասնագիտությամբ ուսուցչուհի Էլլա Դավթյանը, արդեն մոտ տաս տարի է բանջարեղեն է վաճառում է Ստեփանակերտի շուկայում: Վերջինիս խոսքերով՝ ամբողջ օրը շուկայում կանգնելով, հազիվ է հասցնում օրվա հացը հայթայթել. «Այսօրվա դրությամբ առևտուր չկա, մարդկություն էլ չկա, մտնում ես շուկա, առավոտից մինչև երեկո պտտվես մի 10-20 մարդ հազիվ տեսնես: Թե արտասահմանից, Հայաստանից մարդիկ են գալիս, մի քիչ շարժ լինում ա, թե չէ մեր տեղացիների մոտ շարժ չկա. Միայն օրվա ճաշը պատրաստելու համար վարունգ, բադրիջան առնում են ու վերջ»:
Ինչպես Երևանում Ստեփանակերտում էլ սուպերմարկետները շատանում են, և մարդիկ, նրա խոսքերով, տեղացիները նախընտրում են առևտուր կատարել սուպերմարկետներից և ոչ շուկայից. «Մտնում ես սուպերմարկետ, հիանում ես ապրանքներով, ժողովուրդն էլ ասում ա՝ ոչինչ, թո՛ղ 10 դրամ ավել առնենք, բայց սուպերմարկետից առնենք: Բայց մանրները արդեն կորում են՝ կուլ են գնում մեծերին»:
Ամի ՉԻՉԱԿՅԱՆ
