Պրիշտինայում (Կոսովո) ընթացող ծանրամարտի Եվրոպայի մինչեւ 15 եւ 17 տարեկանների առաջնությունում այսօր մեկնարկեց նաեւ Հայաստանի աղջիկների հավաքականը: Կրտսեր՝ 15 տարեկանների, մրցավեճում 69 կգ քաշային Լիանա Գյուրջյանը մրցակցությունից դուրս էր: Մեր աղջնակը միանգամից երեք ոսկե մեդալ նվաճեց երկամարտում՝ 183 կգ, պոկում՝ 78 կգ եւ հրում վարժություններում՝ 105 կգ:
Ինչպես ամեն օր, մարզադահլիճում մեր մարզիկներին ոգեւորում են Կոսովոյում Հայաստանի խաղաղապահ ուժերի ներկայացուցիչները, որոնցից մեկը պայքարի ավարտին Լիանային ծաղկեփունջ մատուցեց:
Աշոտ ՀԱԿՈԲՅԱՆ
